ەلورداداعى ەڭ بيىك عيمارات «ابۋ-دابي پلازا» قۇرىلىسى قاشان اياقتالادى

نۇر-سۇلتان قالاسى ينۆەستيتسيالار جانە كاسىپكەرلىكتى دامىتۋ باسقارماسى وسىنداي مالىمەت تاراتتى، دەپ حابارلايدى قازاقپارات ءتىلشىسى.

«نۇر-سۇلتان قالاسى ينۆەستيتسيالار جانە كاسىپكەرلىكتى دامىتۋ باسقارماسى «Abu Dhabi Plaza» نىسانىندا قازىر قۇرىلىس- مونتاجداۋ جۇمىسى كەستەگە سايكەس جۇرگىزىلىپ جاتقانىن حابارلايدى. ورىندالعان جۇمىستىڭ جالپى كولەمى - %97 دان اسادى. 2021 -جىلدىڭ سوڭىنا دەيىن سىرتقى جۇمىستاردى (قاسبەت جانە كونسترۋكسيا) تولىعىمەن اياقتاۋ جوسپارلانىپ وتىر. ايتا كەتۋ كەرەك، عيمارات ىشىندە ارلەۋ جۇمىستارى ارى قاراي دا جالعاسا بەرەدى»، - دەلىنگەن نۇر-سۇلتان قالاسى اكىمدىگىنىڭ باسپا ءسوز قىزمەتى ۇسىنعان اقپاراتتا.

ەسكە سالساق، «Abu Dhabi Plaza» - ورتا ازياداعى مۇنارا تيپىندەگى ەڭ ءىرى كەشەن. ول اۋماعى 500 مىڭ شارشى مەتردەن اساتىن بەس عيماراتتان قۇرالعان.

اۆتور: ەسىمجان ناقتىباي

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى