سەمەيدە ايەل مەن ونىڭ ەكى بالاسىن قاعىپ كەتكەن كولىك جۇرگىزۋشىسى ىزدەستىرىلۋدە

ش ق و پوليتسيا دەپارتامەنتى باسپا ءسوز قىزمەتىنىڭ مالىمەتىنە سۇيەنسەك، جول- كولىك وقيعاسى 10-قاراشا كۇنى ساعات 18.00 شاماسىندا بولعان.

«كولىك تىزگىندەپ كەلە جاتقان جۇرگىزۋشى موروزوۆ- شيەۆچەنكو كوشەلەرىنىڭ قيىلىسىندا كامەلەتكە تولماعان ەكى بالاسىمەن جولدان ءوتىپ كەلە جاتقان ايەلدى قاعىپ كەتتى. سودان كەيىن ول توقتاماستان سول جەردەن ءىز سۋىتقان»، - دەپ حابارلادى ۆەدومستۆو وكىلدەرى.

ايەل ادام مەن ونىڭ 2 جانە 3 جاستاعى بالالارىنا مەديتسينالىق كومەك كورسەتىلدى. قازىرگى ۋاقىتتا ولاردىڭ ومىرلەرىنە ەشقانداي قاۋىپ ءتونىپ تۇرعان جوق. ءتارتىپ ساقشىلارى كولىك جۇرگىزۋشىسىنىڭ كىم ەكەندىگىن انىقتاۋ ءۇشىن جەدەل-ىزدەستىرۋ شارالارىن جۇرگىزۋدە.

اۆتور: تالعاتجان مۇحامەتبەك ۇلى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى