ق ر جوعارعى سوتىنا جاڭا سۋديا سايلاندى

«كونستيتۋتسياعا سايكەس ق ر پرەزيدەنتىنىڭ ۇسىنىمىمەن جوعارعى سوتتىڭ سۋديالارىن سايلاۋ جانە قىزمەتىنەن بوساتۋ سەناتتىڭ ايرىقشا قۇزىرىنا جاتادى. وسى رەتتە مەملەكەت باسشىسى سىزدەردىڭ قاراۋلارىڭىزعا جوعارعى سوتتىڭ سۋدياسى قىزمەتىنە بەرىك تولەۋتاي ۇلى ناجىميدەنوۆتى سايلاۋ تۋرالى ۇسىنىم ەنگىزدى. ب. تولەۋتاي ۇلى قارجىلىق باقىلاۋ، مەملەكەتتىك اۋديت سالاسىندا تاجىريبەسى مول مامان. سوڭعى بەس جىل قارجى مينيسترلىگىندە جەمىستى قىزمەت ەتتى»،-دەدى ق ر پرەزيدەنتىنىڭ پارلامەنتىندەگى وكىلدىگىنىڭ باسشىسى بەيبىت يسابايەۆ.

وسى ورايدا اتالعان كانديداتتى سايلاۋ تۋرالى سەنات قاۋلىسى داۋىس بەرۋگە شىعارىلدى. پالاتا دەپۋتاتتارى اشىق داۋىس بەرۋ ارقىلى اتالعان كانديداتتى قولداۋ تۋرالى شەشىم شىعاردى. جاڭا قىزمەتكە سايلانعان سۋديا پارلامەنت سەناتىنىڭ جالپى وتىرىسىندا سالتاناتتى تۇردە انت بەردى. بەرىك تولەۋتاي ۇلى ناجىميدەنوۆ 1979 -جىلى تۋعان، جوعارى زاڭگەرلىك ءبىلىمى بار.

2002 - 2012 -جىلدارى قازاقستان رەسپۋبليكاسى قارجى مينيسترلىگى قارجىلىق باقىلاۋ كوميتەتىنىڭ پاۆلودار وبلىسى بويىنشا قارجىلىق باقىلاۋ ينسپەكتسياسىنىڭ باس مامانى - جەتەكشى باقىلاۋشى- ريەۆيزورى، باس مامانى - باس باقىلاۋشى- ريەۆيزورى، 5№ باقىلاۋ ءبولىمىنىڭ باستىعى، 3№ باقىلاۋ ءبولىمىنىڭ باستىعى، قارجىلىق باقىلاۋ ينسپەكتسياسى باستىعىنىڭ ورىنباسارى.

2012 -جىلدان باستاپ ق ر قارجى مينيسترلىگىنىڭ قارجىلىق باقىلاۋ كوميتەتى باقىلاۋ ءىس- شارالارىن تالداۋ، جوسپارلاۋ، ەسەپتىلىك باسقارماسىنىڭ باسشىسى.

2014 -جىلدان باستاپ قارجى مينيسترلىگى قارجىلىق باقىلاۋ كوميتەتىنىڭ قاراعاندى وبلىسى بويىنشا قارجىلىق باقىلاۋ ينسپەكتسياسىنىڭ باستىعى.

2016 -جىلى قارجى مينيسترلىگى ىشكى مەملەكەتتىك اۋديت كوميتەتى ءتوراعاسىنىڭ ورىنباسارى بولىپ تاعايىندالدى.

2020 -جىلدان باستاپ قازىرگى ۋاقىتقا دەيىن قارجى مينيسترلىگى ىشكى مەملەكەتتىك اۋديت كوميتەتىنىڭ ءتوراعاسى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى