تۇركيا تۇرعىندارى اتاتۇرىكتى ءبىر مينۋت ۇنسىزدىكپەن ەسكە الدى
بۇكىل ەل اۋماعىندا سارسەنبى جەرگىلىكتى ۋاقىتپەن ساعات 09:05-تە ۇنسىزدىكتىڭ جاريالانعانىن بىلدىرەتىن دابىل وينالدى. 83 جىل بۇرىن ءدال وسى مينۋتتا ىستانبۇلداعى «دولماباحچە» سارايىندا تۇركيا رەسپۋبليكاسىنىڭ نەگىزىن قالاۋشى جانە تۇڭعىش پرەزيدەنتى قايتىس بولعان.
ەلدە كولىك قوزعالىسى ءبىر مينۋتقا تولىق توقتاتىلىپ، كوپتەگەن جۇرگىزۋشى مەن جولاۋشىلار كولىكتەن شىعىپ، مەملەكەتتىك قايراتكەرگە قۇرمەت كورسەتتى. دابىل ويناتىلىپ بىتكەن سوڭ بۇكىل ەلدە رەسمي راسىمدەر باستالدى. ولاردىڭ باستىسى انكارادا مەملەكەتتىڭ ءبىرىنشى تۇلعالارىنىڭ قاتىسۋىمەن ءوتىپ جاتىر. راسىمدەردىڭ ءبىرى تۇركيا پارلامەنتىندە وتەدى، وندا اتاتۇرىك مۇسىنىنە گۇل شوقتارى قويىلادى.
«دولماباحچە» سارايىنىڭ جانىندا ىستانبۇل تۇرعىندارى مەن قوناقتارى كەزەككە. ولاردىڭ بارلىعى تۇرىك رەسپۋبليكاسىنىڭ نەگىزىن قالاعان قايراتكەردىڭ سوڭعى كۇندەرىن وتكىزگەن بولمەگە كىرىپ شىعۋعا نيەتتى. تۇركيانىڭ ءبىرىنشى پرەزيدەنتى 1938 -جىلدىڭ 10- قاراشاسىندا 57 جاسىندا دۇنيە سالدى.
اۆتور: زارينا تۋعانبايەۆا
