ەلىمىزدەگى ەسەپكە قويىلماعان رەسەيلىك نومەرلى كولىكتەر ايىپپۇل تۇراعىنا قويىلادى

اتالعان كولىكتەردىڭ قايسىسى جولدا كەدەرگىسىز جۇيتكيدى؟ قۇزىرلى ورگان بۇل ساۋالعا تاعى دا جاۋاپ قاتتى. اكىمشىلىك پوليتسيا كوميتەتى باسقارماسى باستىعىنىڭ ايتۋىنشا، قازاقستاندا كورشى ەلدە ەسەپتەن شىعارىلىپ، ءبىراق ءبىزدىڭ رەسپۋبليكامىزدا ەسەپكە قويىلماعان رەسەيلىك نومەرى بار اۆتوموبيلدەر ايىپپۇل تۇراعىنا قويىلادى. مۇنداي كولىكتەر ءتيىستى سالىقتارىن تولەپ، رەسمي تىركەۋدەن وتكەننەن كەيىن عانا قايتارىلادى.

يۋري كوزلوۆ، ق ر ءى ءى م اكىمشىلىك پوليتسيا كوميتەتى باسقارماسىنىڭ باستىعى:

- رەسەيدەن كەلگەن 120 مىڭعا جۋىق اۆتو كولىك جول ەرەجەسىن ساقتاپ ءجۇر. ولارعا ايتار شاعىم جوق. ولار قازاقستان جولىمەن ءبىر جىلعا دەيىن ەركىن جۇرە الادى. رەسەيدە ەسەپتەن شىعارىلعان جانە قازاقستاندا تىركەلمەگەن 80 مىڭ اۆتوموبيل بار. بۇلار ءتيىستى تىركەۋدەن وتكەنگە دەيىن پايدالانۋعا بەرىلمەيدى.

www.24.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى