ۇلتتىق بانك ءتوراعاسى ەلىمىزدە جۇمىرتقا نەگە قىمباتتاعانىن ايتتى

ونىڭ ايتۋىنشا، قازاندا ايلىق ينفلياتسيا 0,7 پايىزدى قۇراعان.

سونداي- اق ينفلياتسيا ازىق- تۇلىكتىڭ باعاسىنا دا اسەر ەتپەي قويماعان.

جاڭا وسكەن كوكونىس باعاسى ماۋسىمدىق 5,5 پايىزعا (ۇلەس - 0,3 پايىزدىق تارماق) جانە جۇمىرتقانىڭ باعاسى 7,2 پايىزعا ءوسۋى سالدارىنان ازىق-تۇلىك ينفلياتسياسى 0,7 پايىزعا جەتتى. قيار مەن قىزاناقتىڭ باعاسى 22 پايىزعا قىمباتتاعان. قۇس فابريكالارىندا ءوندىرىس كولەمىنىڭ قىسقارۋىنان، جەم قۇنىنىڭ ارتۋىنان، سونداي-اق 2022 -جىلدان باستاپ سۋبسيديالاردى الىپ تاستاۋ ىقتيمالدىعىنان جۇمىرتقانىڭ باعاسى ءوستى، - دەپ ءتۇسىندىردى ۇلتتىق بانك ءتوراعاسى.

سونىمەن قاتار ينفلياتسيا سوڭعى 6 ايدا العاشقى رەت ءوسىمىن توقتاتىپ، 8,9 پايىز دەڭگەيىندە ساقتالعان.

جىلدىق ينفلياتسيا ازىق- تۇلىك باعاسىنىڭ 11,5 پايىزدان 11,3 پايىزعا دەيىن باياۋلاۋى اياسىندا سوڭعى 6 ايدا العاشقى رەت ءوسىمىن توقتاتىپ، 8,9 پايىز دەڭگەيىندە ساقتالدى. بۇل رەتتە ازىق- تۇلىككە جاتپايتىن ينفلياتسيا 7,5 پايىزدان 7,8 پايىزعا دەيىن، اقىلى كورسەتىلەتىن قىزمەت ينفلياتسياسى 6,8 پايىزدان 6,9 پايىزعا دەيىن ارتتتى، - دەپ اتاپ ءوتتى ەربولات دوسايەۆ.

ەسكە سالا كەتەيىك، بۇعان دەيىن ۇلتتىق بانك ءتوراعاسى ەڭبەكاقىنىڭ ءوسۋى ينفلياتسياعا قوسىمشا قىسىم جاساپ وتىرعانى تۋرالى ايتقان بولاتىن.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى