ۇلتتىق بانك تەڭگەنىڭ السىرەۋ سەبەپتەرىن ءتۇسىندىردى

بۇل تۋرالى ق ر ۇلتتىق بانكىنىڭ ءتوراعاسى ەربولات دوسايەۆ ايتتى، دەپ حابارلايدى قازاقپارات. «مۇناي باعاسىنىڭ ءبىر باررەل ءۇشىن 84,4 ا ق ش دوللارىنا دەيىن %7,5 كە وسۋىنە قاراماستان، ەكونوميكالىق بەلسەندىلىكتىڭ قالپىنا كەلۋى مەن فيسكالدىق سەرپىننىڭ جالعاسۋىمەن قاتار ۇلتتىق ۆاليۋتا ءبىر ايدا ءبىر ا ق ش دوللارى ءۇشىن 427,15 تەڭگەگە دەيىن %0,3 كە السىرەدى»، - دەدى ە. دوسايەۆ ۇكىمەت وتىرىسىندا.

بيزنەس پەن حالىق تاراپىنان سۇرانىستىڭ ءوسۋى اياسىندا رەسەي تاۋارلارىنىڭ يمپورتى بيىلعى 2-توقساندا جىلدىق ماندە 1-توقسانداعى %2,4 تەن %36,1 كە دەيىن ۇلعايدى. بۇل قازاندا تەڭگە باعامىنىڭ ءبىر رۋبل ءۇشىن 6,5 تەڭگەگە دەيىن نەمەسە %3,4 كە السىرەۋىنە الىپ كەلدى. «سونىمەن قاتار، بازالىق ستاۆكانىڭ ءوسۋى تەڭگەدەگى بورىشتىق قۇرالداردىڭ تارتىمدىلىعىن ساقتايدى، وعان بەيرەزيدەنتتەردىڭ قازاندا قازاقستان رەسپۋبليكاسىندا مەملەكەتتىك باعالى قاعازدارعا سالىمدارىنىڭ 863 ميلليارد تەڭگەگە دەيىن 75 ميلليارد تەڭگەگە ءوسۋى دالەل بولادى. شەتەلدىك ينۆەستورلار تاراپىنان شەتەل ۆاليۋتاسىنىڭ قوسىمشا ۇسىنىسى نارىقتىڭ وتىمدىلىگىن جاقسارتۋعا جانە سۇرانىستى ءىشىنارا قاناعاتتاندىرۋعا ىقپال ەتەدى»، - دەدى ۇلتتىق بانك ءتوراعاسى.

ونىڭ ايتۋىنشا، يمپورتتىڭ ءوسۋى اياسىندا ۆاليۋتاعا ورنىقتى سۇرانىس، ونىڭ شەكتەۋلى ۇسىنىسى جانە سىرتقى نارىقتارداعى قۇبىلمالىلىعى تەڭگە باعامىنا قىسىم جاساۋدى جالعاستىرادى.

اۆتور: ايجان سەرىكجان قىزى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى