حالىق ساناعىنىڭ ناتيجەسى قاشان جاريالانادى
«حالىقتى اقپاراتتاندىرۋدىڭ بارلىق ارنالارىندا ۇلتتىق ساناقتى جاريا ەتۋ ءۇشىن اۋقىمدى بۇقارالىق- ءتۇسىندىرۋ جۇمىستارى جۇرگىزىلدى. بۇكىل ەل بويىنشا حالىق ساناعىن وتكىزۋگە ارنالعان 3500-دەن استام ارنايى پۋنكت جۇمىس ىستەدى. 1446 ءنومىرى بويىنشا ارنايى call-ورتالىعى تاۋلىك بويى جۇمىس ىستەدى»، - دەدى ن. ايداپكەلوۆ ۇكىمەتتىڭ بۇگىنگى وتىرىسىندا.
سپيكەردىڭ ايتۋىنشا، ەل تۇرعىندارىنان 500 مىڭنان استام ءوتىنىش تۇسكەن. ال رەسپوندەنتتەرگە 25 ميلليوننان استام SMS- حابارلاما جىبەرىلگەن.
«بيۋرو الىنعان دەرەكتەردى وڭدەۋگە كىرىستى جانە الدىن الا دەرەكتەردى بيىلعى جەلتوقسان ايىندا ۇسىنۋدى جوسپارلاپ وتىر. ءىس- شارالار جوسپارىنا سايكەس، ساناقتىڭ قىسقاشا قورىتىندىلارى 2022 -جىلدىڭ ورتاسىنا جوسپارلانعان جانە 2023 -جىلدىڭ 1-توقسانىندا ساناقتىڭ تولىق قورىتىندىسىن جاريالاۋدى جوسپارلاپ وتىرمىز»، - دەدى ن. ايداپكەلوۆ.
ايتا كەتەيىك، قازاقستان رەسپۋبليكاسىنىڭ ۇلتتىق حالىق ساناعى اياقتالدى. ونلاين ساۋالنامادان حالىقتىڭ %42,5 ءوتتى، ال جاپپاي ارالاپ شىعۋ ارقىلى %57,5 ادام ساناقپەن قامتىلدى. سونىمەن بىرگە، پرەمەر- مينيستر قازاقستاندىقتارعا وسى ماڭىزدى ناۋقانعا بەلسەندى قاتىسقان ءۇشىن، سونداي-اق ۇلتتىق ستاتيستيكا بيۋروسىنىڭ قىزمەتكەرلەرى مەن وسى ناۋقانعا جۇمىلدىرىلعان ازاماتتارعا اتقارعان جۇمىسى ءۇشىن العىس ءبىلدىردى.
