بەس وبلىس اۋماعىندا اۋا رايىنا بايلانىستى ەسكەرتۋ جاريالاندى

10- قاراشادا سولتۇستىك قازاقستان وبلىسىنىڭ باسىم بولىگىندە جاڭبىر، قار جاۋۋى ىقتيمال. وبلىستىڭ سولتۇستىگىندە، باتىسىندا تۇمان تۇسەدى، كوكتايعاق بولادى، جاياۋ بۇرقاسىن سوعادى.

وڭتۇستىك-باتىستان جەل تۇرىپ، جىلدامدىعى 15-20 م/س جەتەدى، وبلىستىڭ وڭتۇستىك- باتىسىندا ەكپىنى 25 م/س بولۋى مۇمكىن.

پەتروپاۆلدا ەرتەڭ قار ارالاس جاڭبىر جاۋادى، كوكتايعاق بولىپ، جاياۋ بۇرقاسىن سوعۋى ىقتيمال.

وڭتۇستىك-باتىستان جەل سوعادى، جىلدامدىعى 15-20 م/س جەتەدى.

10- قاراشادا كۇندىز اقتوبە وبلىسىنىڭ سولتۇستىگى، باتىسىندا قاتتى جاڭبىر جاۋادى. باتىستان، سولتۇستىك-باتىستان جەل سوعادى، كۇندىز وبلىستىڭ سولتۇستىك-باتىسىندا ەكپىنى 15-20 م/س جەتۋى مۇمكىن.

10- قاراشادا كۇندىز ماڭعىستاۋ وبلىسىنىڭ باتىسىندا تۇمان ءتۇسۋى مۇمكىن. وڭتۇستىك-شىعىستان سوعاتىن جەل سولتۇستىك-باتىسقا اۋىسادى، وبلىستىڭ باتىسىندا جىلدامدىعى 15-20 م/س جەتەدى.

اقتاۋ ەرتەڭ وڭتۇستىك-شىعىستان سوعاتىن جەل سولتۇستىك-باتىسقا اۋىسادى، كەشكە قاراي ەكپىنى 15-18 م/س جەتۋى مۇمكىن.

10- قاراشا باتىس قازاقستان وبلىسىنىڭ سولتۇستىگىندە تۇمان ءتۇسۋى مۇمكىن. جەل سولتۇستىك- باتىستان، سولتۇستىكتەن سوعادى، وبلىستىڭ سولتۇستىك-باتىسىندا ەكپىنى 15-20 م/س جەتەدى.

ەرتەڭ تاڭەرتەڭ جانە تۇندە ورالدا تۇمان ءتۇسۋى مۇمكىن.

10- قاراشادا تۇندە اقمولا وبلىسىنىڭ سولتۇستىك- باتىسىندا وڭتۇستىك-باتىستان جەل سوعادى، جىلدامدىعى 15-20 م/س جەتەدى، كۇندىز وبلىستىڭ باسىم بولىگىندە جەلدىڭ جىلدامدىعى 15-20، ەكپىنى 25 م/س.

ەرتەڭ كوكشەتاۋدا وڭتۇستىك-باتىستان جەل سوعادى، ەكپىنى 15 م/س جەتەدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى