ەلوردالىق وقۋشىلار كوروناۆيرۋسقا قارسى ەكپەنى قايدا سالدىرادى

بۇل سۇراققا نۇر-سۇلتان قالاسىنىڭ قوعامدىق دەنساۋلىق ساقتاۋ باسقارماسىنىڭ باسشىسى تيمۋر مۇراتوۆ جاۋاپ بەردى، دەپ حابارلايدى قازاقپارات.

قالالىق ءماسليحاتتاعى تۇراقتى كوميسسيانىڭ وتىرىسىندا دەپۋتاتتار كوروناۆيرۋس ينفەكسياسىنا قارسى ۆاكسينالاۋعا قاتىستى وقۋشىلاردىڭ اتا-انالارىن اقپاراتتاندىرۋ جۇمىستارى بەلسەندى تۇردە باستالعانىن اتاپ ءوتتى.

وتىرىستا ءماسليحات دەپۋتاتتارى مەكتەپ وقۋشىلارىن ۆاكسينالاۋدى مەكتەپتەردە ەمەس، ەمحانالاردا جۇرگىزۋدى سۇرادى، ويتكەنى اتا-انالاردىڭ ۆاكسيناعا كەلىسىمى قاجەت جانە بالالارىن وزدەرى ەرتىپ ءجۇرۋى كەرەك.

«ءبىرىنشى كەزەڭدە ءبىز مىندەتتى تۇردە تەك ەمحانادا ۆاكسينالايمىز، ويتكەنى ۆاكسينا جاڭا، ونى جان-جاقتى قاراستىرامىز. ءارى قاراي بالالار جاپپاي ۆاكسينا الۋدى قالاسا، ورىن ماسەلەسىن شەشۋگە تىرىسامىز»، - دەپ جاۋاپ بەردى تيمۋر مۇراتوۆ.

اۆتور: ايجان سەرىكجان قىزى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى