ەر ادام جولاۋشى رەتىندە اۋەجايدا ءۇش اي تۇرعان
بۇل تۋرالى Daily Mail جازادى، - دەپ حابارلايدى Kaz.tengritravel.kz ءتىلشىسى.
ءۇندىستاننىڭ 37 جاستاعى ازاماتى امريتا سينگح (Amrita Singh) ا ق ش-قا 2015 -جىلى كەلگەن. 2019 -جىلدىڭ جازىندا وكلاحوما مەملەكەتتىك ۋنيۆەرسيتەتىندە ماگيستر دارەجەسىن الدى. سودان كەيىن ول كاليفورنياداعى ورانجعا كوشىپ، وندا دوسىنىڭ قارت اكەسىنە قامقور بولدى. تاعى ءبىر جىلدان كەيىن سينگحتىڭ ۆيزا مەرزىمى اياقتالىپ، وتانىنا ورالۋدى جوسپارلايدى.
2020 -جىلدىڭ قازانىندا سينگح لوس- اندجەلەستەن چيكاگوعا ۇشىپ كەتتى، ءبىراق سودان كەيىن ول ءۇندىستانعا ۇشۋ تۋرالى شەشىمىن وزگەرتتى. ەر ادام اۋەجايدا قاراپايىم جولاۋشى رەتىندە تۇرادى. وسى ۋاقىت ىشىندە تۋريست ءوزىنىڭ دوسىمەن بايلانىستا بولادى. سينگح وعان بۋدديستىك جانە ۇندىلىك ساۋىعۋ، رۋحاني بايۋ سەنىمدەرى تۋرالى ادامدارعا ايتىپ بەرگەنى ۇنايتىنىن ايتقان.
2021 -جىلدىڭ 16-قاڭتارىندا United Airlines-تىڭ ەكى قىزمەتكەرى سينگحتىڭ اۋەكومپانيا مەنەدجەرىنىڭ جوعالعان توسبەلگىسىن تاعىپ جۇرگەنىن بايقايدى. ەر ادامدار اۋەجاي پوليتسياسىنا ايتىپ، جولاۋشى ۇستالادى. وعان كۇزەتىلەتىن اۋماققا زاڭسىز كىردى دەگەن ايىپ تاعىلدى. كەيىنىرەك تۋريست COVID-19 پاندەمياسىنىڭ سالدارىنان ۇشۋدان قورقاتىنىن ايتادى. كەزدەيسوق جولاۋشىلار وعان تاماق الىپ بەرىپ كومەكتەسكەن.
كۋك وكرۋگى سۋديالارىنىڭ شەشىمىمەن سينگح اقتالىپ، كەپىلمەن بوساتىلدى. كولىك قاۋىپسىزدىگى باسقارماسى سينگح اۋەجاي ەرەجەلەرىن بۇزبادى دەپ شەشتى. دەگەنمەن، تۋريست ەلەكتروندى باقىلاۋ شارتتارىن ساقتامادى دەپ ايىپتالدى. بۇل ءىس بويىنشا ۇكىم ەندى جاريالانادى.
