الماتىدا قوعام بەلسەندىسى جالعان رەسەيلىك نومىرمەن جۇرگەن كولىكتەردى انىقتادى
مۇنى «ورتاق جول» جول قوزعالىسى قاۋىپسىزدىگى اسسوتسياتسياسىنىڭ باسشىسى ارسەن شاكۋوۆ انىقتاعان، - دەپ حابارلايدى Tengrinews.kz ءتىلشىسى.
ول بىرنەشە كولىكتى رەسەيلىك كولىك قۇرالىنىڭ ەسەپكە الۋ بازاسىنان تەكسەرىپ، مەملەكەتتىك ءنومىر سايكەس كەلمەيتىنىن نەمەسە م ت ن ب ەسەبىنەن شىققانىن انىقتاعان.
«مىسالى، جولدا تويوتا ەستيمانى كوردىم، مەملەكەتتىك ءنومىرى م809م س102، ءبىراق جول پوليتسياسى دەرەكتەر بازاسىنان تەكسەرسەم، بۇل ءنومىر ۋاز ماركالى اۆتوكولىگىنە تىركەلگەن ەكەن، كەلەسى كولىك تويوتا پرادو بولدى مەملەكەتتىك ءنومىرى س116م ا06، ال بۇل ءنومىر ەسەپتەن شىعارىلعان اۋدي ا6 ماركالى اۆتوكولىگىنە تىركەلگەن»، - دەپ جازدى شاكۋوۆ Facebook-تاعى پاراقشاسىندا.
«قالادا رەسەيلىك نومىرلەرمەن جۇرگەن كولىكتەردى سۋرەتكە تۇسىرە باستادىم. بەس ماشينانىڭ ەكەۋىندە وسىنداي جاعداي، بىرەۋىندە باسقا ءنومىر، ەكىنشىسى ەسەپتەن شىققان. ەگەر كولىك ۇرلانىپ، تەحنيكالىق پاسپورتى قولدان جاسالسا، قازاقستاندا ونى ايداي بەرەدى. مۇندا قازاقستاندىق پوليتسەيلەر ونى تەكسەرە المايدى، ويتكەنى ولار رەسەيلىك بازانى قاراي المايدى. ماسەلەنىڭ ءبارى وسىدان شىعىپ وتىر»، - دەدى ارسەن شاكۋوۆ.
«بۇل - ازاماتتاردىڭ جەكە ماسەلەلەرىنەن تۋىنداعان جانە مەملەكەتارالىق ماسەلەگە اينالعان جاعداي. بۇل ماسەلەنى شەشۋدىڭ ماڭىزدى جولدارىنىڭ ءبىرى - ەۋرازيالىق وداق اياسىندا رەسەيلىك كولىكتەردى ەسەپكە الۋ بازاسىن قازاقستاندىق بازامەن بىرىكتىرۋ، ينتەگراتسيالاۋ. ەۋروپاداعى سياقتى ءبىر بازا بولۋ ءۇشىن. مىسالى، بەرلين پوليتسياسى فرانسيادا تىركەلگەن كولىكتى تەكسەرە الادى. ەاەو شەڭبەرىندە وسى بازالاردى بىرىكتىرە الامىز. بۇل بولاشاقتا وسىنداي ماسەلەلەردىڭ الدىن الۋعا كومەكتەسەدى»، - دەدى «ورتاق جول» جول قوزعالىسى قاۋىپسىزدىگى قاۋىمداستىعىنىڭ باسشىسى ارسەن شاكۋوۆ.
ءى ءى م مالىمەتىنشە، قازاقستان اۋماعىندا جۇرگەن 88 مىڭ رەسەيلىك تىركەۋدە تۇرعان كولىك رەسەي فەدەراتسياسىنىڭ ءىىم ەسەبىندە تۇرمايدى. ياعني، ولار بەلگىلەنگەن تارتىپپەن تىركەلمەگەن نەمەسە قازاقستان ازاماتتارىنا ساتىلعان، سودان كەيىن ولاردىڭ يەلەرى - رەسەي ازاماتتارى تىركەلگەن جەرى بويىنشا ەسەپتەن شىعارعان. كەيبىر كولىكتەر ۇرلانعان بولىپ شىقتى.
ەسكە سالايىق، بۇعان دەيىن پوليتسيا رەسەيدە ەسەپتەن شىعارىلعان كولىكتەردى تۇراققا قويا باستاعان ەدى.
