بوكستان ءا چ فينالىندا قازاقستاندىقتىڭ جەڭىسىنەن كەيىن «ا ي ب ا»-نى جەمقورلىق جاسادى دەپ ايىپتادى

سول جەكپە-جەكتە تورەشىلەردىڭ ءبىراۋىزدان قابىلداعان شەشىمى بويىنشا بيبوسىنوۆ قازاقستانعا 2021 -جىلعى الەم چەمپيوناتىنىڭ ەكىنشى «التىنىن» اكەلدى.

الايدا ستيۆەنسون بۇعان كەلىسپەيدى جانە حالىقارالىق بوكس قاۋىمداستىعىن (AIBA) جەمقورلىققا قاتىسى بار دەپ ايىپتادى.

«مەن روسكو حيلل ەكىنشى جانە ءۇشىنشى راۋندتاردا جەڭدى دەپ ويلادىم. ءبىراق تورەشىلەر باسقالاردى سوقىر دەپ ويلادى- اۋ. ول شىنىمەن، جاقسى جەكپە-جەك كورسەتتى، مەن ونى ەكىنشى جانە ءۇشىنشى راۋندتاردا جەڭدى دەپ ويلادىم. ءبىرىنشى راۋندتاعى 10:8 دەگەن ەسەپ سۇمدىق - AIBA- دا ءالى دە جەمقورلىق بار!» - دەپ جازدى ستيۆەنسون Twitter- دە.

وعان 2019 -جىلعى الەم چەمپيوناتىنىڭ جانە 2020 -جىلعى وليمپيادانىڭ كۇمىس جۇلدەگەرى، امەريكالىق بوكسشى كيشون دەۆيس تە قولداۋ كورسەتتى.

«ولار، ارينە، الەم چەمپيوناتىندا روسكو حيللدى الدادى. بۇل شەشىم ويعا سىيمايدى، جەڭىس كىمگە تيەسىلى ەكەنى ايدان انىق. اۋەسقوي جۇيە بولعاندىقتان، ونى ەشكىم ايتىپ جاتقان جوق»، - دەدى دەۆيس Twitter- دە.

ەسكە سالايىق، بوكستان بەلگرادتا وتكەن الەم چەمپيوناتىندا قازاقستان جۇلدەلى ۇشتىككە ەندى. ءۇش الەم چەمپيونى بار كۋبا قۇراماسى تۋرنيرلىك كەستەدە ءبىرىنشى ورىنعا تابان تىرەدى. قازاقستاندىق بوكسشىلار ەكى «التىن»، ەكى «كۇمىس» جانە ءبىر قولا مەدال جەڭىپ الدى. ا ق ش سپورتشىلارى مەدالدىق ەسەپتە ءۇشىنشى ورىنعا تابان تىرەدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى