اتىراۋدا نان قىمباتتادى

وبلىستىق اۋىل شارۋاشىلىعى باسقارماسى باسپا ءسوز قىزمەتىنىڭ مالىمەتىنشە، «كارات» ج ش س نان باعاسىن 90 تەڭگەدەن 95 تەڭگەگە كوتەرگەن.

«وسى كەزگە دەيىن ورال قالاسىنداعى «جەلايەۆ استىق ونىمدەرى كومبيناتى» ا ق- نان الىنعان ۇننىڭ ءبىر كەلىسى 155 تەڭگە بولسا، قازىر 165 تەڭگە كوتەرىلدى. وتكەن جىلى اۋىل شارۋاشىلىعى مينيسترلىگى، وبلىستىق اكىمدىك پەن «ازىق- تۇلىك كەلىسىمشارت كورپوراتسياسى» اق اراسىنداعى مەموراندۋمعا سايكەس، اتىراۋ وبلىسىنا 10 مىڭ توننا بيداي بەرىلىپ، الەۋمەتتىك ماڭىزى بار نان باعاسى 90 تەڭگەدەن، ءبىرىنشى سۇرىپتى ۇننىڭ كەلىسى 145 تەڭگەدەن ساتىلعان بولاتىن. سوڭعى كەزدە ەلەكتر ەنەرگياسىنىڭ، جانار- جاعار ماي باعاسىنىڭ قىمباتتاۋىنا بايلانىستى ناۋبايحانالار نان باعاسىن بىرتە- بىرتە وسىرۋگە ءماجبۇر بولىپ وتىر»، - دەيدى وبلىستىق اۋىل شارۋاشىلىعى باسقارماسىنىڭ باسشىسى امانگەلدى سالامات.

ونىڭ ايتۋىنشا، اتىراۋ وبلىسىنا بيداي قوستاناي، اقمولا وبلىستارى مەن ورال قالاسىنان جەتكىزىلەدى. بيدايدىڭ ءبىر تونناسى 99,5 مىڭ تەڭگەدەن 125 مىڭ تەڭگەگە كوتەرىلگەن. قازىر ءبىرىنشى سۇرىپتى ناننىڭ باعاسى سۋپەرماركەتتەردە 85-95، كوتەرمە باعاسى 105-110 تەڭگەنى قۇرايدى.

«ءۇش جاقتى مەموراندۋمعا سايكەس، وبلىسقا قوسىمشا 1000 توننا ۇن الىندى. ال، 2022 -جىلعا وڭىرگە 25 مىڭ توننا بيداي الۋعا اۋىل شارۋاشىلىعى مينيسترلىگىنە ۇسىنىس بەرىلدى»، - دەپ اتاپ ءوتتى امانگەلدى سالامات.

ەسكە سالا كەتەلىك، بۇعان دەيىن اتىراۋ وبلىسىنا كەلەسى جىلعا 25 مىڭ توننا بيداي قاجەتتىگىن حابارلاعان بولاتىنبىز.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى