قازاقستاندا رۋلى وڭ جاقتاعى كولىكتەردى تىركەۋگە تىيىم سالىندى
«قازاقستان اۋماعىندا وڭ جاقتا ورنالاسقان رۋلمەن باسقارىلاتىن كولىكتەردى تىركەۋگە 2018 -جىلدان باستاپ تىيىم سالىندى. سوندىقتان دا رۋلى وڭ جاقتاعى كولىكتەر ەلىمىزدە تىركەۋگە جاتپايدى. ارينە، ءبىز ازاماتتارعا جەكە مۇلىك الۋىنا ونىڭ ىشىندە اۆتوكولىك الۋىنا دا تىيىم سالا المايمىز. ءار ادامنىڭ جەكە قۇقىعى بار جانە ول زاڭمەن بەكىتىلگەن. دەگەنمەن زاڭنىڭ باسقا تۇسى دا بار. وسى ورايدا كولىك ساتىپ الۋشى، اسىرەسە شەتەلدىك كولىكتى يەلەنۋشىنىڭ ەلگە اكەلمەستەن بۇرىن زاڭعا ءبىر ۇڭىلگەنى ابزال. كورشى رەسەيدەن كولىك اكەلسە دە ونىڭ وزىندىك تالاپتارى بار. ياعني كولىكتى ساتىپ الۋ ءبىر بولەك، ال ونى زاڭدى جولمەن يەلەنۋ ول ەكىنشى ماسەلە، - دەدى سەرىك ءتۇسىپوۆ مينيسترلىكتە وتكەن باسپا ءسوز ءماسليحاتىندا. سونداي- اق، ءىء ى م وكىلى ەل اۋماعىندا تىركەلمەگەن شەتەلدىك كولىك يەلەرىن زاڭعا باعىنۋعا شاقىردى.
بۇعان دەيىن كوميتەت باسشىسىنىڭ ورىنباسارى رەسەيدەن زاڭسىز كولىك اكەلىپ، ءبىراق ەلدە تىركەمەگەن 100 دەن استام قازاقستاندىققا ىزدەۋ سالىنعانىن ءمالىم ەتتى.
ودان بولەك، ەلىمىزدە جول ەرەجەسىن بۇزعان كولىكتەردىڭ 20 پايىزى شەتەلدە تىركەلگەنىن ايتىلدى. سونداي- اق سەرىك ءتۇسىپوۆ رەسەي نومىرىمەن جۇرگەن اۆتوموبيلدى قالاي تىركەۋگە بولاتىنىن قايتا ءتۇسىندىرىپ ءوتتى.
