ىشكى ىستەر مينيسترلىگى رەسەيدە تىركەلگەن اۆتوكولىك يەلەرىنىڭ جينالۋىنا قاتىستى تۇسىنىك بەردى
مينيسترلىكتە وتكەن باسپا ءسوز ءماسليحاتىندا «بۇگىن ەلىمىزدىڭ بىرنەشە قالاسىندا رەسەيدە تىركەلگەن اۆتوموبيل يەلەرى مامانداندىرىلعان ح ق و الدىنا جينالدى. ولاردىڭ تالابى قانداي، سوڭى نەمەن ءبىتتى؟»، - دەگەن ساۋال قويىلدى.
«ءيا، بۇگىن اۆتوموبيل يەلەرىنىڭ جينالعانى راس. ولار كولىكتەرىنىڭ مامانداندىرىلعان ح ق و- دا راسىمەن تىركەلگەنىنە كوز جەتكىزگىسى كەلدى. جانە جينالعاندارعا رەسەيلىك كولىكتى ەل اۋماعىندا تىركەۋگە قاتىستى ءتۇسىندىرۋ جۇمىسى ءوتتى. بۇل جەردە قازاقستانعا اكەلىنگەن ءاربىر رەسەيلىك اۆتوكولىكتىڭ ماسەلەسىن جەكە قاراستىرۋ كەرەك. جانە ءبىز ءوز تاراپىمىزدان كومەك، قولداۋ كورسەتۋگە ءازىرمىز. ەلىمىزدىڭ قاي بۇرىشىندا بولسا دا، تىركەلمەگەن كولىك يەسى نە ىستەۋ كەرەكتىگىن جەرگىلىكتى پوليتسيا قىزمەتىنە جۇگىنىپ بىلە الادى. وسى ورايدا قازاقستاندا زاڭدى تىركەلمەگەن كولىك يەلەرىنە ايتارىمىز، ونىڭ ىشىندە رەسەيلىك ءنومىرلى اۆتوموبيلدەر دە بار، كولىكتەرىڭىزدى رەسمي تىركەڭىزدەر»، - دەپ جاۋاپ بەردى ق ر ءى ءى م اكىمشىلىك پوليتسيا كوميتەتى ءتوراعاسىنىڭ ورىنباسارى سەرىك ءتۇسىپوۆ.
بۇعان دەيىن ءى ءى م وكىلى قازاقستاندا جۇرگەن رەسەيلىك ءنومىرلى 88 مىڭ كولىكتىڭ تىركەۋدەن شىعارىلعانىن ءمالىم ەتكەن ەدى.
