فرانسيا پرەزيدەنتى كوروناۆيرۋسقا بايلانىستى ۇندەۋ جاسايدى

وتكەن اپتادا فرانسيا ۇكىمەتىنىڭ وكىلى گابريەل اتتال پرەزيدەنت ە. ماكروننىڭ ۇندەۋى COVID-19 ينفەكسياسىنىڭ ورشۋىنە، سونداي-اق كەيبىر ەكونوميكالىق رەفورمالارعا ارنالاتىنىن مالىمدەدى. سونىمەن قاتار، فرانسيادا، ەۋرووداقتىڭ باسقا ەلدەرىندەگى سياقتى، كوروناۆيرۋس ينفەكسياسىنىڭ قارقىنى سوڭعى ايدا ايتارلىقتاي ءوستى.

«COVID-19 ىندەتى ەۋروپادا تاعى دا تەز دامىپ كەلەدى، كونتينەنت تاعى دا پاندەميانىڭ وشاعىنا اينالدى»، - دەدى گ. اتتال.

وتكەن اپتادا فرانسيادا ينفەكسيا جۇقتىرۋشىلاردىڭ ورتاشا سانى 6200 دەن استى، بۇل كورسەتكىش بيىل قازان ايىنىڭ باسىندا 4200 دەن از بولعان ەدى.

«قايتا ۆاكسينالاۋ ماسەلەسى سەيسەنبى كۇنى تاڭەرتەڭ قورعانىس كەڭەسىنىڭ وتىرىسىندا تالقىلانادى. كەيىن رەسپۋبليكا پرەزيدەنتى قورىتىندى شىعارادى»، - دەدى دەپۋتات سيلۆەن مايار. ۇكىمەت وكىلى گ. اتتال ە. ماكروننىڭ ەل ەكونوميكاسىن قالپىنا كەلتىرۋ، ۇكىمەتتىك رەفورمالار باعدارلاماسى جانە باسقا دا ماسەلەلەر تۋرالى ايتاتىنىن مالىمدەدى. پرەزيدەنتتىڭ ۇندەۋى جەرگىلىكتى تەلەارنالاردا سەيسەنبى كۇنى ساعات 20 دا باستالادى.

ارنۇر راحىمبەكوۆ

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى