الماتىداعى تۇرعىن ۇيلەردىڭ بىرىندە قىزدى ءولتىرىپ، ارتىنان ورتەپ جىبەرگەن
الماتى پوليتسيا دەپارتامەنتى بۇل دەرەكتى راستادى. اتالعان فاكت ق ر ق ك 99-بابىنىڭ 2-بولىگى بويىنشا سوتقا دەيىنگى تەرگەپ- تەكسەرۋدىڭ ءبىرىڭعاي تىزىلىمىنە تىركەلىپ، بۇل ءىستى مەدەۋ اۋداندىق ءى ءى ب قاراپ جاتقانى حابارلاندى.
«ارنايى جەدەل- تەرگەۋ توبى قۇرىلدى. كۇدىكتىنىڭ كىم ەكەنى انىقتالدى. ونى ۇستاۋعا باعىتتالعان ءىس-شارالار كەشەنى جۇرگىزىلىپ جاتىر. سونىمەن بىرگە، جابىرلەنۋشىنىڭ جەڭىل ءجۇرىستى ايەل بولعانى تۋرالى اقپارات شىندىققا جاناسپايدى. قىلمىستىڭ ءمان-جايى مەن سەبەبى انىقتالىپ جاتىر»، - دەپ حابارلادى الماتى قالالىق پوليتسيا دەپارتامەنتىنىڭ باسپا ءسوز قىزمەتى.
ZTB Telegram ارناسىنىڭ حابارلاۋىنشا، بۇل قىلمىس تۋرالى العاشقى اقپارات الەۋمەتتىك جەلىلەردە پايدا بولدى. جازبا اۆتورى «جابىرلەنۋشىنى الدىمەن تۇنشىقتىرىپ ءولتىرىپ، كەيىن ورتەپ جىبەرگەن» دەپ مالىمدەگەن.
«پوليتسيلەرگە كۇندەلىكتى جالعا بەرىلەتىن پاتەرلەر جەزوكشەلەر ۇيىنە اينالعانىن تالاي رەت ايتتىق. ءبىراق بۇل اقپاراتتى ولار ەلەگەن ەمەس»، - دەلىنگەن جەلىلەردە پايدا بولعان حابارلامادا.
