يراك پرەمەر- ءمينيسترى ءۇيىنىڭ توبەسىنەن جارىلماعان سنارياد تابىلدى
قازىرگى ۋاقىتتا ساپەرلەر ونى زالالسىزداندىرۋعا تىرىسۋدا. وتكەن تۇندە باعدادتا ۇكىمەت باسشىسىنىڭ ومىرىنە جارىلعىش زاتى بار درون شابۋىلداعان. شابۋىل سالدارىنان ءال- كازيمي زارداپ شەككەن جوق، پرەمەر- ءمينيستردىڭ قاۋىپسىزدىك قىزمەتىنىڭ بىرنەشە قىزمەتكەرى جاراقات الدى. تۇرعىن ءۇي ەلەۋلى ماتەريالدىق شىعىنعا ۇشىرادى - عيماراتتىڭ تەرەزەلەرى سىنعان، ەسىكتەر ۇشىپ كەتكەن، قۇرىلىمدار بۇلىنگەن.
وسىدان كەيىن «جاسىل ايماققا» بارلىق كىرەبەرىستەردە قاۋىپسىزدىك شارالارى ايتارلىقتاي كۇشەيتىلدى. يراكتىڭ INA اگەنتتىگىنىڭ ەلدىڭ ىشكى ىستەر مينيسترلىگىنە سىلتەمە جاساپ حابارلاۋىنشا، ءۇش درون شابۋىلداعان، ولاردىڭ ەكەۋى اتىپ تۇسىرىلگەن، ال ءۇشىنشىسى رەزيدەنتسياعا تيگەن. سونىمەن قاتار، شابۋىل الدىندا استانانىڭ ورتالىعىندا قىزۋ اتىس بولعان. كوپتەگەن اراب جانە الەم كوشباسشىلارى يراك پرەمەر- مينيسترىنە قاستاندىق جاساۋ ارەكەتىن ايىپتادى.
