جۇقا مۇز ۇستىندە ويناعان بالالار استانالىقتاردى شوشىتتى
كەشە ساعات 14:36-دا 102-گە قاجىمۇقان كوشەسىنىڭ بويىندا ەسىل وزەنىندە بالالاردىڭ ويناپ جۇرگەنى تۋرالى حابارلاما كەلدى. وقيعا ورنىنا دەرەۋ اۆتوپاترۋل جىبەرىلدى. پوليتسيا قىزمەتكەرلەرى اعايىندى 9-10 جاس ارالىعىنداعى ەكى بالانى انىقتادى.
كادرلاردا مۇز ۇستىندە بالالاردىڭ ءبىر- ءبىرىن قۋالاپ، ءالى قالىڭ قاتپاعان وزەننەن ءارى - بەرى ءوتىپ جاتقانى كورىنەدى. پوليتسەيلەر بالالاردىڭ اتا- انالارىن انىقتادى. وقيعا ورنىنا ۇلداردىڭ اناسى شاقىرىلدى. ونىمەن جانە بالالارمەن سۋ ايدىندارىندا ويناۋدىڭ زيانى مەن زارداپتارى تۋرالى پروفيلاكتيكالىق اڭگىمە جۇرگىزىلدى.
نۇر- سۇلتان قالاسىنىڭ پوليتسيا دەپارتامەنتى سۋ ايدىندارىنان نازىك مۇزبەن وتۋگە قاتاڭ تىيىم سالىنعانىن ەسكەرتەدى. مۇنداي ويىن وتە قاۋىپتى جانە قايعىلى جاعدايعا سوقتىرۋى مۇمكىن.
«قۇرمەتتى اتا- انالار، بالالارىڭىزعا جۇقا مۇزبەن ءجۇرۋ جانە ولاردىڭ ۇيدەن تىس جەردە ءجۇرىس- تۇرىسىن باقىلاۋ قاۋىپتى ەكەنىن ەسكەرتىڭىزدەر!» - دەپ قوستى دەپارتامەنتتەگىلەر.
