جول اپاتىنا تۇسكەن كىسىنى قۇتقارۋ ءۇشىن كولىكتى كەسۋگە تۋرا كەلدى - سولتۇستىك قازاقستان

س ق و توتەنشە جاعدايلار دەپارتامەنتى باسپا ءسوز قىزمەتىنىڭ مالىمەتىنشە، پەتروپاۆل- مامليۋتكا اۆتوجولىنداعى جول- كولىك اپاتى تۋرالى حابار قۇتقارۋ قىزمەتىنە 6- قاراشا كۇنى ساعات 12.12 مينۋت كەتكەندە تۇسكەن. دەپارتامەنتتىڭ جەدەل- قۇتقارۋ وتريادى وقيعا ورنىنا 20 مينۋتتىڭ ىشىندە جەتىپ، بىردەن ىسكە كىرىستى.

مامانداردىڭ ايتۋىنشا، Audi مەن Toyota جەڭىل كولىكتەرى سوقتىعىسقان. سالدارىنان Audi كولىگىنىڭ جۇرگىزۋشىسى اۋىر باس جاراقاتىن الىپ، اياعىن سىندىرعان. 1994 -جىلى تۋعان ەر ادام قاتتى زاقىمدانعان كولىكتەن وزدىگىنەن شىعا الماپتى.

«اۋىر جاراقاتتانعان ەر ادامعا زيان كەلتىرمەۋ ءۇشىن وپەراتسيانى وتە ۇقىپپەن جۇرگىزۋگە تۋرا كەلدى. گيدراۆليكالىق كەسكىشپەن كولىكتىڭ ارتقى ەسىگىن جانە بۇيىرىندەگى تىرەۋىشتى كەسىپ الدىق. كەيىن گيدراۆليكالىق دومكراتتى قولدانىپ، زارداپ شەگۋشىنىڭ قىسىلىپ قالعان اياعىن بوساتتىق. ماشينادان ابايلاپ شىعارىپ، ءبىزدى كۇتىپ تۇرعان جەدەل جاردەم قىزمەتكەرلەرىنە تابىس ەتتىك»، - دەيدى قۇتقارۋ بولىمشەسىنىڭ باس قۇتقارۋشىسى ءادىل مۇستافين.

اۋىر جاراقات العان ەر ادام مەديتسينالىق مەكەمەگە جەتكىزىلدى.

«جول- كولىك وقيعاسىندا بىرەۋلەر تەك بولماشى جاراقات السا، ەندى ءبىرى سول جەردە مەرت بولادى. زاقىمدانعان كولىكتە قىستىرىلىپ قالعاندارعا ءبىزدىڭ كومەگىمىز قاجەت بولىپ جاتادى. قۇتقارۋ وتريادىنىڭ تاجىريبەلى ماماندارى مۇندايدا زارداپ شەگۋشىلەردى امان- ەسەن الىپ شىعىپ، تەزىرەك دارىگەرلەردىڭ قولىنا تاپسىرادى. كولىك جۇرگىزۋشىلەرىنە جولدا اباي بولىڭىزدار، جول قاتەلىكتى كەشىرمەيدى دەپ ايتقىمىز كەلەدى»، - دەيدى ءادىل مۇستافين.

بۇعان دەيىن«چەليابى- نوۆوسىبىر» اۆتوجولىندا بولعان جول- كولىك وقيعاسىنا قاتىستا پوليتسەيلەر تۇسىنىك بەرگەن ەدى.

اۆتور: اقەركە داۋرەنبەك قىزى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى