قازاقستاندىق عالىمدار كوروناۆيرۋسقا قارسى بەس ۆاكسينا ازىرلەدى
ولاردىڭ ىشىندەگى ەڭ تانىمالى — تيىمدىلىگى كلينيكالىق زەرتتەۋلەرمەن دالەلدەنگەن، بەلسەندىلىگى جويىلعان «QazVac» ۆاكسيناسى. سونىمەن قاتار وتاندىق ۆاكسينا تۋرالى ماقالا The Lancet توبىنا كىرەتىن بەدەلدى EClinicalMedicine مەديتسينالىق جۋرنالىندا جاريالاندى.
سونداي-اق ب ق پ ع ز ي عالىمدارى 1 سۋببىرلىكتى، 2 رەكومبينانتتى جانە 1 ءتىرى ۆاكسينا ازىرلەدى.
«پاندەميا كەزىندە ءبىز بىردەن بەس پلاتفورمادا بىرنەشە كوروناۆيرۋستىق ۆاكسينا جاساي باستادىق. بۇل يناكتيۆتەندىرىلگەن «QazVac» ۆاكسيناسى، ۆيرۋس اقۋىزىنا نەگىزدەلگەن «QazCOVAC- P» سۋببىرلىكتى ۆاكسيناسى، ەكى رەكومبينانتتى جانە ءبىر ءتىرى ۆاكسينا.
«QazCOVAC- P» سۋببىرلىكتى ۆاكسيناسى كلينيكالىق زەرتتەۋلەردەن ءوتىپ جاتىر. 44 ەرىكتىنىڭ قاتىسۋىمەن زەرتتەۋدىڭ ءبىرىنشى كەزەڭى اياقتالدى. قازىر 200 ەرىكتىنىڭ قاتىسۋىمەن كلينيكالىق زەرتتەۋلەردىڭ ەكىنشى كەزەڭى جۇرگىزىلۋدە. بۇعان دەيىن «QazCOVAC- P» ۆاكسيناسى زەرتحانالىق جانۋارلارعا جاسالعان كلينيكاعا دەيىنگى زەرتتەۋلەردەن ءساتتى ءوتتى. ونىڭ ىشىندە، ماكاكا-رەزۋس مايمىلدارى دا بولدى»، — دەپ اتاپ ءوتتى ق ر ب ع م عىلىم كوميتەتىنىڭ بيولوگيالىق قاۋىپسىزدىك پروبلەمالارى عىلىمي-زەرتتەۋ ينستيتۋتىنىڭ باس ديرەكتورى، بيولوگيا عىلىمدارىنىڭ دوكتورى، پروفەسسور كۇنسۇلۋ زاكاريا.
«QazCOVAC- P» سۋببىرلىكتى ۆاكسيناسى ۆيرۋس اقۋىزى مەن ماي كومپونەنتىنەن تۇرادى. سىناقتار 18 جاستان اسقان ەرىكتىلەر اراسىندا ءوتىپ، وسى كەزەڭدە ۆاكسينا ءوزىنىڭ قاۋىپسىزدىگىن كورسەتتى.
ب ق پ ع ز ي عالىمدارى ازىرلەگەن كاپريپوكسۆيرۋس پەن تۇماۋ ۆيرۋسىنا نەگىزدەلگەن رەكومبينانتتى ۆاكسينالاردىڭ ازىرگە اتاۋى جوق. ءبىرىنشى رەكومبينانتتى ۆاكسينا زەرتحانالىق جانۋارلاردا كلينيكاعا دەيىنگى سىناقتاردان ءوتىپ جاتسا، ەكىنشىسى — ەكسپەريمەنتتىك ۇلگىلەردى الۋ جانە دايىنداۋ مەن باقىلاۋدىڭ ستاندارتتى ادىستەرىن ازىرلەۋ ساتىسىندا. ءتىرى ۆاكسينا السىرەگەن SARS- CoV-2 ۆيرۋسى مەن تۇراقتاندىرعىش كومپونەنتتەر نەگىزىندە جاسالادى.
اتتەنۋيرلەنگەن شتامم الۋ ءۇشىن 150 دەن استام پاسساج جۇرگىزىلدى. قازىر ۆاكسينانىڭ يممۋنوبيولوگيالىق قاسيەتتەرى تەكسەرىلۋدە. سونداي-اق عالىمدار ءتىرى ۆاكسينا جاساۋدىڭ ستاندارتتى ءادىسىن ازىرلەپ جاتىر.
پرەپارات زەرتحانالىق جانۋارلارعا سىناقتان ءوتتى. الدىن-الا مالىمەتتەر بويىنشا، ۆاكسينا قاۋىپسىز جانە جوعارى يممۋنوگەندى بولىپ تابىلادى.
ق ر ب ع م ب ق پ ع ز ي اسا قاۋىپتى ۆيرۋستاردى زەرتتەۋمەن اينالىساتىنىن اتاپ وتكەن ءجون. وسى ۋاقىتقا دەيىن ب ق پ ع ز ي عالىمدارى پرەپاراتتاردىڭ 60 تان استام اتاۋىن، ونىڭ ىشىندە 16 تەست-جۇيەسىن جانە 15 تەن استام ءتۇرلى بيوپرەپاراتتاردى ازىرلەپ شىعاردى.
سوڭعى 10 جىلدا ينستيتۋت عالىمدارى قۇس جانە شوشقا تۇماۋى، نودۋليارلىق دەرماتيت، تۇيە شەشەگى مەن برۋتسەللەزگە قارسى جانە باسقا دا وتاندىق ۆاكسينالاردى دايىنداۋ تەحنولوگياسىن جاسادى.
