الماتى قالاسىنىڭ اۋماعى ون جىلدا ەكى ەسە ءوستى
بۇل تۋرالى «جاڭا الماتى» كەشەندى دامۋ جوسپارىن جۇزەگە اسىرۋ قارقىنىن تالقىلاۋ بويىنشا ارنالعان دوڭگەلەك ۇستەل بارىسىندا ايتىلدى، دەپ حابارلايدى قازاقپارات ءتىلشىسى.
دوڭگەلەك ۇستەل جۇمىسىنا قالا باسقارمالارىنىڭ باسشىلارى مەن اۋدان اكىمدەرى قاتىستى. ناۋرىزباي اۋدانىنىڭ اكىمى سانجار توعاي اۋداندى دامىتۋدىڭ باسىم مىندەتتەرى ۇزدىكسىز سۋمەن، ەلەكتر ەنەرگياسىمەن جانە گازبەن قامتاماسىز ەتۋ ەكەنىن ايتتى. بۇگىندە ناۋرىزباي اۋدانى % 30 ورتالىقتاندىرىلعان سۋمەن قامتاماسىز ەتىلگەن. تاعى % 20 36 ۇڭعىمادان سۋ الادى. حالىقتىڭ قالعان % 50- ى قاراعايلى، قۇرامىس، تاۋسامالى، تاۋجولى، تاستىبۇلاق، اقجار، قارعالى شاعىن اۋداندارىن قامتيتىن قارعالى جانە اقساي وزەندەرىنەن اشىق سۋ تارتۋدان سۋدى پايدالانادى.
سانجار توعاي «جاڭا الماتىنى» دامىتۋدىڭ كەشەندى جوسپارى اياسىندا ورتالىقتاندىرىلعان سۋمەن جانە سۋ بۇرۋمەن ۇزدىكسىز قامتاماسىز ەتۋ ءۇشىن 131,6 شاقىرىم سۋ قۇبىرى جانە 74,5 شاقىرىم كارىز قۇبىرى سالىنعانىن جەتكىزدى. 2022-2023 -جىلدارى تاعى 74,5شاقىرىم سۋ قۇبىرى مەن 35,7 شاقىرىم كارىز قۇبىرلارىن سالۋ جۇمىسى اياقتالادى.
«اۋداندا قارعالى وزەنىندە جاڭا سۋ دايىنداۋ ستانتسياسىنىڭ قۇرىلىسى باستالدى، كەلەسى جىلى جۇمىستى اياقتاۋدى جوسپارلاپ وتىرمىز. بۇگىندە «قارعالى» تازارتۋ ستانسياسى تاۋلىگىنە 4 مىڭ تەكشە مەتر سۋ وندىرەدى. جوبانى ىسكە اسىرعاننان كەيىن وندىرىستىك قۋات تاۋلىگىنە 15 مىڭ تەكشە مەترگە دەيىن ۇلعايتىلادى. ەكىنشى «اقساي» تازارتۋ ستانسياسى تاۋلىگىنە 22 مىڭ تەكشە مەتر سۋ وندىرەدى»، - دەدى اۋدان اكىمى.
تاستىبۇلاق، قۇرامىس، قارعالى، تاۋجولى جانە جايلاۋ شاعىن اۋداندارىندا ينجەنەرلىك جەلىلەردى تارتۋ جۇمىستارى تولىق اياقتالدى. جاعدايدى جاقسارتۋ جانە اۋدان تۇرعىندارىن كوممۋنالدىق قىزمەتتەرمەن قامتاماسىز ەتۋ ءۇشىن ۇزىندىعى 34 شاقىرىم كارىزدىك كوللەكتوردىڭ تەحنيكالىق- ەكونوميكالىق نەگىزدەمەسىن ازىرلەۋ جونىندەگى شەشىم ماڭىزدى بولدى، كوللەكتور قولدانىستاعى ءۇي قۇرىلىستارىنان جانە قوسىلعان اۋماقتاردا، سونداي- اق الاتاۋ اۋدانىنىڭ اۋماعىنان قوسىمشا سالىنىپ جاتقان سارقىندى سۋلاردى قابىلداۋعا مۇمكىندىك بەرەدى.
اۋدان اكىمى س. توعاي 778 شاقىرىم گاز جەلىلەرىنىڭ تارتىلعانىن، تۇرعىنداردىڭ گازبەن % 98 قامتىلعانىن ايتتى.
«وتكەن جىلى اكىمدىكتىڭ قولداۋىمەن كوپبالالى جانە از قامتىلعان وتباسىلار تۇراتىن 46 ءۇي گاز جۇيەسىنە قوسىلعان بولاتىن. بۇل تاجىريبە 2021 -جىلى دا جالعاسىن تاپتى، تەك مەتسەناتتار ەسەبىنەن مۇقتاج 20 وتباسىنىڭ ۇيلەرى گازداندىرىلدى»، - دەدى سانجار توعاي.
قالانىڭ ونەركاسىپتىك الەۋەتىن دامىتۋ بيزنەسكە ءتيىستى ينجەنەرلىك ينفراقۇرىلىمى بار جەر ۋچاسكەلەرى بەرىلەتىن يندۋستريالىق ايماقتى دامىتۋمەن تىعىز بايلانىستى. دوڭگەلەك ۇستەلگە قاتىسۋشىلار الماتى قالاسىنىڭ اۋماعى سوڭعى ون جىلدا ەكى ەسەگە وسكەنىن جانە قالا تۇرعىندارىنىڭ سانى ۇشتەن بىرگە ارتقانىن تىلگە تيەك ەتتى.
اۆتور: الما مۇقانوۆا
