ەلوردادا كۇن سۋىتقاننان كەيىن جازاتايىم وقيعالار ارتتى
«وتكەن قىسقى كەزەڭدە ازاماتتار داۋىلدى ەسكەرتۋلەر مەن اۆتوجولدارداعى قوزعالىس شەكتەۋلەرىن ەلەمەي اينالما جولداردى پايدالانۋ فاكتىلەرىنىڭ ورىن العانىن، قار قۇرساۋىندا تەحنيكانىڭ قالۋ سالدارىنان ادامدار وزدەرىنىڭ جانە جاقىندارىنىڭ ومىرىنە قاۋىپ توندىرگەنىن اتاپ وتكىم كەلەدى. وسىعان بايلانىستى دەپارتامەنت ازاماتتارعا قىسقى كەزەڭدە قاۋىپسىزدىك ەرەجەلەرىن ساقتاۋ جانە ءوز ومىرىنە قاۋىپ توندىرمەۋ قاجەتتىگى تۋرالى تاعى دا ەسكەرتەدى»، - دەدى ول ەلوردا اكىمدىگىندە وتكەن بريفينگىدە.
ونىڭ اتاپ وتۋىنشە، سۋىق اۋا رايى باستالعان كەزدە ازاماتتاردىڭ ءجۇرىپ-تۇرۋ جولىندا بولاتىن جازاتايىم وقيعالار جيىلەپ كەتكەن.
«اۋا رايى جاعدايىنىڭ ناشارلاۋىن بولجاۋ كەزىندە ءبىز حالىققا SMS- تاراتۋ، ب ا ق، الەۋمەتتىك جەلىلەر، Telegram-ارنا، «دارمەن» موبيلدىك قوسىمشاسى ارقىلى داۋىلدى ەسكەرتۋلەردى حابارلاپ وتىرامىز. داۋىلدى ەسكەرتۋ جاريالانعان كەزدە الىس جولعا شىعۋدان باس تارتۋعا كەڭەس بەرەمىز. جۇرگىزۋشىلەر جولداردىڭ جاعدايى تۋرالى اقپاراتتى قاداعالاپ وتىرۋى قاجەت»، - دەدى ەسەن بايىروۆ.
اۆتور: مارلان جيەمباي
