دجۋدي كۋو: قازاقستان - ينتەرنەتكە قولجەتىمدىلىك بويىنشا وڭىرلىك كوشباسشى
ا ق ش-تىڭ قازاقستانداعى ۋاقىتشا سەنىمدى وكىلى دجۋدي كۋو ەلوردادا ءوتىپ جاتقان قازاق ءتىلدى كونتەنت جاساۋشىلاردىڭ ءداستۇرلى فورۋمىندا وسىنداي پىكىر ءبىلدىردى، حابارلايدى قازاقپارات ءتىلشىسى.
«بيىل QazForum ءوزىنىڭ العاشقى ماڭىزدى كەزەڭىن - بەس جىلدىعىن اتاپ ءوتىپ وتىر جانە ونىڭ قازاقستان رەسپۋبليكاسى تاۋەلسىزدىگىنىڭ 30 جىلدىعىمەن تۇسپا- تۇس كەلگەنىنە قۋانىشتىمىز. بيىل ءبىز قاۋىپسىزدىك، دامۋ، وركەندەۋ جانە نەگىزگى بوستاندىقتاردى ساقتاۋ جونىندەگى مىندەتتەمەگە نەگىزدەلگەن اقش- قازاقستان ديپلوماتيالىق قارىم- قاتىناستارىنىڭ 30 -جىلدىعىن اتاپ ءوتىپ جاتىرمىز. ءبىز الداعى جىلدارى ەكونوميكالىق، قاۋىپسىزدىك جانە حالىقتار اراسىنداعى بايلانىستارىمىزدى نىعايتا تۇسۋگە ءمان بەرەمىز»، - دەگەن ا ق ش وكىلى، بۇل قازاقستان ەكونوميكاسىنىڭ وسۋىنە عانا ەمەس، بۇكىل ورتالىق ازيا ايماعىنا ماڭىزدى اكتيۆ بولا الاتىنىنا سەنىم ءبىلدىردى.
«قازاقستان ينتەرنەتكە قولجەتىمدىلىك بويىنشا ايماقتىق كوشباسشى بولىپ تابىلادى. بۇل قوعامعا وڭ اسەر ەتەتىن ۇلكەن جەتىستىك. اقپارات ەركىندىگىنە تولىق قۇرمەت كورسەتىلىپ، STEM جانە IT- بىلىمگە ينۆەستيتسيا جاسالسا مۇنداعى سيفرلىق نارىق، سونىڭ ىشىندە قازاقستاندا جاسالعان مەديا ونىمدەر، تەك قازاقستان ەكونوميكاسىنىڭ وسۋىنە عانا ەمەس، سونداي- اق بۇكىل ورتالىق ازيا ايماعىنا ماڭىزدى اكتيۆ بولا الاتىنىنا سەنىمدىمىن»، - دەدى دجۋدي كۋو.
