تۇسىڭدە قويان كورسەڭ نە بولادى؟
ءتۇس جورۋ - قازاقتىڭ مادەنيەتىندە ەرتەدەن باستالىپ، كۇنى بۇگىنگە دەيىن جالعاسىپ كەلە جاتقان تاماشا عۇرىپتارىنىڭ ءبىرى.
ادەتتە ءتۇستى جاقسىلىققا جوريمىز. ەرتەدە كورەگەن قاريالار ءتۇس ارقىلى كەي قاۋىپ- قاتەرلەردىڭ الدىن الۋدى بولجاپ تا بىلگەن. بۇگىن تۇسكە قويان ەنسە، قالاي بولجاعانى جايلى از- كەم ايتا كەتپەكپىز.
قازاق ۇعىمىندا قويان دالانىڭ جابايى اڭدارىنىڭ بىرىنە جاتادى. ال ادەبي ۇعىمدا بۇل تىرشىلىك يەسىن بەيۋازدىق، قورقاقتىق بەينەسىندە سۋرەتتەيدى. «قوياننىڭ قاراسىن كورىپ، قالجاسىنان ءتۇڭىل»، «قويان بۇلتاققا سالسا ۇستاتپاس»، «قويان قۋعان بۇلتارىستا سۇرىنەدى»، «قويانداي قورقاق»، «قويان كوز» دەگەن بەينەلى سوزدەر كوپ- اق.
تۇسكە كىرگەن قوياندى كەيدە جاقسىلىق نىشانى، كەيدە سۋىقتىڭ بەلگىسى دەپ جورىپ جاتادى.
• تۇسىڭدە تۇزاعىڭا قويان تۇسسە - بۇل جاقسىلىق نىشانى. وندا وڭىڭىزدە ءبىر ماراپاتتى بايگەگە قاتىناسىپ، جەڭىمپاز بولاسىز. ءتۇسىڭىزدى جاسى ۇلكەن ادامعا جورىتىڭىز. وعان ءسۇيىنشى بەرۋدى دە ۇمىتپاڭىز.
• ءتۇسىڭدى قوياندى قۋىپ ۇستاي الماي جۇرسەڭ - بۇل جاقسىلى نىشانى. وندا وڭىڭىزدە ءبىر اسىل ارماندى قۋىپ جۇرەسىز، الدىڭىزدا ءسىزدى قول بۇلعاپ، كوپ جاقسىلىق شاقىرىپ تۇرادى. ءتۇسىڭىزدى جاقسى كورەتىن جەڭگەلەرىڭىزدىڭ بىرىنە جورىتىڭىز.
• تۇسىڭىزدە اق قويان كورسەڭىز - بۇل دا جاقسىلىق نىشانى. بۇل ءتۇستى ەكى ماندە جورۋعا بولادى. ءبىرى - جولىڭىز اشىلادى، قۋاناسىز. ەندى ءبىرى - جىل سۇرەڭى وزگەرەدى. قىس ايلارى بولسا، قالىڭ قار جاۋادى، جاز ايلارى بولسا، اق جاۋىن جاۋادى. كۇن سالقىندايدى.
• تۇسىڭىزگە قارا قويان كىرىپ، ۇستاتپاي جۇرسە، نە باسىڭىزدان سەكىرىپ وتسە - بۇل جاقسىلىق نىشانى ەمەس. اۋىرىپ، توسەك تارتىپ جاتۋدان حابار بەرەدى. ەرتەرەكتە مۇنى اڭ مەن قۇستىڭ بىرىنە كوشىرەتىن بولعان. ساداقا بەرگەن ابزال.
• تۇسىڭىزدە كوك قويان كورسەڭىز - بۇل جاقسىلىق نىشانى. وندا وڭىڭىزدە باسىڭىزعا عايىپتان باقىت قونادى. جولىڭىز اشىلىپ، داۋلەتىڭىز شالقيدى.
• تۇسىڭىزدە قوياننىڭ كوجەگىن كورىپ، ونى ۇستاپ اكەلىپ ۇيشىككە سالىپ باعىپ جۇرسەڭىز - بۇل جاقسىلىق بەلگىسى. وندا وڭىڭىزدە ۇرپاقتارىڭىزدىڭ بار ارمان- مۇددەلەرى تۇگەل ورىندالادى. بولاشاقتارى جارقىن بولادى. ءتۇسىڭىزدى اناڭىزعا جورىتىڭىز. بوگدە ادامعا ايتپاڭىز.
