تۇرسىنباي قۇلاحمەتتىڭ كاسىپقوي بوكستا نوكاۋتپەن جەڭىلۋىنە كىم كىنالى ەكەنى انىقتالدى
Vesti.kz تىلشىسىنە بەرگەن سۇقباتىندا ول بۇعان دەيىن جەڭىلگەن قازاقستاندىق تۋرالى ايتىپ، جالپى جەڭىلىسكە نە سەبەپ بولعانىن ءتۇسىندىردى.
WBC International بەلبەۋى ساراپقا سالىنعان بۇل كەزدەسۋ 29- قازان كۇنى لوندونداعى (انگليا) بوكس كەشىندە ءوتتى. كەزدەسۋدىڭ باسىندا ابرەۋ نوكداۋنعا تۇسكەن ەدى. ءبىراق جەتىنشى راۋندا ول قۇلاحمەتكە بىرنەشە جاقسى سوققىلارىن ءدال تيگىزىپ، كەيىن نوكاۋتقا ءتۇسىردى. بۇل تۇرسىنبايدىڭ كاسىپقوي بوكستاعى ءبىرىنشى جەڭىلىسى بولدى.
«اۋەسقوي بوكستا تابىسقا جەتىپ، كاسىپقوي بوكستا ۇتىلىپ جاتقان جاس بوكسشىلار تۋرالى كوپ شۋ بولۋدا. جاقسى دايىندىقسىز مىقتى قارسىلاستارعا قاۋقار كورسەتۋ وڭاي ەمەس ەكەنىن جاقسى بىلەمىز. بۇعان قۇلاحمەتتىڭ كەزدەسۋى دە دالەل بولدى. قازاقستاندىق بوكسشى قارسىلاسىنىڭ اۋىر سوققىلارعا شىداپ، ءوزى ودان مىقتى سوققىلارمەن جاۋاپ بەرەتىنىنە دايىن بولمادى. ول وتانداستارى احمەدوۆ پەن جۇكەمبايەۆ جاساعان قاتەلىكتەردى قايتالادى.
بۇل قۇلاحمەتتىڭ كومانداسىنىڭ قاتەلىگى. تالانتتى بولسا دا جاس بوكسشىلاردىڭ مۇنداي تاجىريبەلى جىگىتتەرگە قارسى شىعارۋعا بولمايدى. اۋىر نوكاۋت تىركەلدى. ەندى اتالعان ايقاستان ول قانداي ساباق شىعاراتىنىن الداعى ۋاقىتتا كورەمىز. دەگەنمەن بۇل جەڭىلىس قۇلاحمەتكە كەرەك ەمەس ەدى»، - دەدى فوستەر.
ەسكە سالايىق، قۇلاحمەت اۋەسقويلار اراسىندا 2019-جىلعى ازيا چەمپيونى. سونداي-اق، ول 2019-جىلى قازاقستان قۇراماسى ساپىندا الەم چەمپيوناتىنىڭ قولا جۇلدەسىن يەلەنگەن. كاسىپقوي بوكستا ول ءتورت كەزدەسۋ وتكىزىپ، ۇشەۋىندە قارسىلاستارىن نوكاۋتپەن جەڭگەن.
