قازاقستاندا جوشى ۇلىسىن زەرتتەيتىن عىلىمي ينستيتۋت قۇرىلدى
جوشى - موڭعول يمپەرياسىنىڭ باتىسىنداعى جەرلەردى مۇرا ەتكەن شىڭعىس حاننىڭ ۇلكەن ۇلى. ونىڭ باسقارۋىنداعى اۋماق ورتالىق ازيانى جاۋلاپ العاننان كەيىن ەداۋىر كەڭەيدى. جوشىنىڭ كەسەنەسى جەزقازعاننان سولتۇستىك- شىعىسقا قاراي 50 شاقىرىم جەردە ورنالاسقان. پارلامەنت ءماجىلىسىنىڭ دەپۋتاتى بەرىك ءابدىعالي ۇلى ۇلت ۇياسى - ۇلىتاۋداعى كەسەنەنىڭ ساياسي جانە تۋريستىك ماڭىزى زور ەكەنىن تىلگە تيەك ەتتى.
بەرىك ءابدىعالي ۇلى، ق ر پارلامەنتى ءماجىلىسىنىڭ دەپۋتاتى:
- جوشى حاننىڭ جالپى وسى التىن وردا كەزەڭىن زەرتتەيتىن عىلىمي ورتالىق، ينستيتۋت اشىلىپ جاتىر. بۇل دا مىنە تۇراقتى مامانداردى جيناپ، سول جەردە بىلىكتىلىگىن ارتتىرىپ، جۇمىستاردى ۇيىمداستىراتىن عىلىمي ورتالىق. بىزدە بۇرىن ونداي بولعان جوق. بىزدە جەكە- جەكە عالىمدار اينالىستى. جانە تاريح ينستۋتىنداعى شاعىن باعىت رەتىندە. مۇنىڭ ساياسي ماڭىزىن ءبىز بۇگىنگى كۇنى العا باسىم باعىت رەتىندە انىقتاپ جاتىرمىز.
