پرەزيدەنت: مونوقالالارداعى ينجەنەرلىك ينفراقۇرىلىمنىڭ جاي-كۇيى وتە ناشار

بۇل تۋرالى مەملەكەت باسشىسى قاسىم-جومارت توقايەۆ ايتتى، دەپ حابارلايدى قازاقپارات ءتىلشىسى.

«مونوقالالارداعى ينجەنەرلىك ينفراقۇرىلىمنىڭ جاي-كۇيى وتە ناشار. سۋ قۇبىرلارى مەن كارىز جەلىسىنىڭ توزۋى ورتاشا ەسەپپەن 61 پايىزدى قۇرايدى. ال ارقالىق، بالقاش، شاحتينسك، تەمىرتاۋ قالالارىندا ءتىپتى 90 پايىزعا دەيىن جەتەدى»، - دەدى قاسىم-جومارت توقايەۆ ەكىباستۇزدا ءوتىپ جاتقان مونوقالالاردى دامىتۋ ماسەلەلەرىنە ارنالعان جينالىستا.

اقوردانىڭ Twitter- دەگى مالىمەتىنە سايكەس، مەملەكەت باسشىسى مونوقالالارداعى جىلۋ جانە ەلەكتر تاراتۋ جەلىلەرى دە ورتاشا ەسەپپەن 55 پايىزعا توزعانىن اتاپ وتكەن. كەي قالالاردا بۇل كورسەتكىش 85 پايىزعا دەيىن جەتەدى.

ال اۆتوموبيل جولدارىنىڭ 40 پايىزى قاناعاتتانارلىق كۇيدە ەمەس. بۇعان دەيىن حابارلاعانىمىزداي، بۇگىن پرەزيدەنت قاسىم- جومارت توقايەۆ جۇمىس ساپارىمەن پاۆلودار وبلىسىنىڭ ەكىباستۇز قالاسىنا كەلدى.

مەملەكەت باسشىسى جۇمىس ساپارى بارىسىندا مونوقالالاردى دامىتۋ جونىندە كەڭەس وتكىزىپ، پرەزيدەنتتىك جاستار كادر رەزەرۆىنىڭ وكىلدەرىمەن كەزدەسەدى. سونىمەن قاتار قالاداعى يندۋستريالدى كاسىپورىندارعا بارادى دەپ جوسپارلانعان.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى