قازاقستاندا ەلەكتروموبيل قۋاتتايتىن قانشا ستانسيا بار
بۇل تۋرالى ق ر يندۋستريا جانە ينفراقۇرىلىمدىق دامۋ ءبىرىنشى ۆيتسە- ءمينيسترى قايىربەك وسكەنبايەۆ ۇكىمەت وتىرىسىندا ايتتى، دەپ حابارلايدى قازاقپارات ءتىلشىسى.
«جاڭا كاسىپورىندارعا كەلسەك، 2025 -جىلعا قاراي 72 ءىرى كاسىپورىن، ونىڭ ىشىندە 66 مەتاللۋرگيا، 3 حيميا جانە 3 سەمەنت زاۋىتىن سالۋ جوسپارلانۋدا. ول كاسىپورىندار بويىنشا كەشەندى ەكولوگيالىق ساراپتاما جۇرگىزىلەدى. ەڭ وزىق، قولجەتىمدى تەحنولوگيالاردى قولدانىپ جانە بەلگىلەنگەن بارلىق ەكولوگيالىق تالاپتاردى ساقتاي وتىرىپ، ولاردىڭ قۇرىلىسى قامتاماسىز ەتىلەدى»، - دەدى قايىربەك وسكەنبايەۆ.
سونداي-اق، ول ەكولوگيالىق تازا كولىك ءوندىرىسىن دامىتۋ ءۇشىن ساران جانە الماتى قالالارىندا YUTONG، Golden Dragon ەلەكتر اۆتوبۋستارى، قوستاناي قالاسىندا JAC iEV7s ەلەكتروموبيلى وندىرىلە باستاعانىن اتادى.
«بۇدان باسقا، 2022 -جىلدان باستاپ Hyundai Ioniq ەلەكتروموبيلدەرى، 2023 -جىلدان باستاپ KIA EV6 ءوندىرىسى باستالادى. ەلەكتروموبيلدەر مەن ەلەكتر اۆتوبۋستارى ينفراقۇرىلىمىن قۇرۋ ءۇشىن نۇر- سۇلتان، الماتى جانە پاۆلودار قالالارىندا 110 ەلەكتر زاريادتاۋ ستانسيالارى ورناتىلدى. ەلەكتر تارتىمدى اۆتوموبيلدەردى ساتىپ الۋدى ىنتالاندىرۋ ءۇشىن قازاقستاندا ەلەكتروموبيلدەردىڭ يەلەرى كولىك سالىعىن تولەۋدەن بوساتىلدى»، - دەدى ءمينيستردىڭ ءبىرىنشى ورىنباسارى.
