قار، بۇرقاسىن، كوكتايعاق -سارسەنبىگە ارنالعان اۋا رايى
3-قاراشادا انتيتسيكلون ىقپالىمەن ەلىمىزدىڭ باتىسى مەن سولتۇستىگىندە كۇن رايى اشىق بولادى. رەسپۋبليكانىڭ قالعان اۋماعىندا فرونتالدى بولىكتەردىڭ وتۋىنە بايلانىستى اۋا رايى قۇبىلمالى بولادى، جاڭبىر- شاشىن تۇسەدى، سولتۇستىكتە، شىعىستا جانە ورتالىقتا قار جاۋادى، شىعىستا تۇندە قالىڭ قار جاۋادى. رەسپۋبليكانىڭ باسىم بولىگىندە تۇمان ءتۇسىپ، جەل كۇشەيەدى، سولتۇستىكتە، شىعىستا جانە ورتالىقتا كوكتايعاق بولادى، جاياۋ بۇرقاسىن سوعۋى ىقتيمال.
شىعىس قازاقستان وبلىسىنىڭ سولتۇستىك جارتىسىندا، قاراعاندى وبلىسىنىڭ سولتۇستىگىندە، شىعىسىندا تۇمان تۇسەدى، كوكتايعاق بولادى، بۇرقاسىن سوعۋى مۇمكىن، جەل كۇشەيىپ، جىلدامدىعى 15-20 م/س بولادى، شىعىس قازاقستان وبلىسىندا ەكپىنى 23 م/س جەتەدى. كۇندىز الماتى وبلىسىنىڭ سولتۇستىك- شىعىسىندا، تۇركىستان وبلىسىنىڭ سولتۇستىگىندە، باتىسىندا، تۇندە قىزىلوردا وبلىسىنىڭ سولتۇستىگىندە، كۇندىز باسىم بولىگىندە، اتىراۋ وبلىسىنىڭ باتىسىندا، سولتۇستىگىندە جانە شىعىسىندا، سولتۇستىگىندە، وڭتۇستىگىندە جانە اقتوبە وبلىسىنىڭ ورتالىعىندا جەل 15-20 م/س كۇشەيەدى، قىزىلوردا جانە تۇركىستان وبلىستارىندا ەكپىنى 23 م/س جەتەدى.
جامبىل وبلىسىنىڭ سولتۇستىگىندە جانە تاۋلى اۋداندارىندا تۇمان ءتۇسۋى مۇمكىن. كۇندىز سولتۇستىك- شىعىسىندا جانە تاۋلى اۋداندارىندا جەل 15-20 م/س كۇشەيەدى.
كۇندىز ماڭعىستاۋ وبلىسىنىڭ سولتۇستىك- شىعىسىندا شاڭدى داۋىل سوعادى، جەل 15-20 م/س كۇشەيەدى. تۇندە جانە تاڭەرتەڭ باتىس قازاقستان وبلىسىنىڭ سولتۇستىگىندە تۇمان ءتۇسۋى مۇمكىن. پاۆلودار وبلىسىندا كوكتايعاق بولادى.
