سۋىق كۇندەرى قانداي تاعامداردان باس تارتقان ابزال؟
ويتكەنى كۇن ساۋلەسى مەن جىلۋ تۇرىندەگى ەنەرگيا كوزدەرىاز. تاماق — جىلىنۋدىڭ جانە ءوزىن قورەكتىك زاتتاردىڭ جەتكىلىكتى مولشەرىمەن قامتاماسىز ەتۋدىڭ قولجەتىمدى ادىستەرىنىڭ ءبىرى. الايدا سۋىق كۇندەرى كەي ونىمدەردەن باس تارتقان ءجون.
جارتىلاي دايىن ونىمدەر مەن فاست- فۋد
كالورياسى وتە جوعارى جانە وعان قوسا قورەك قۇندىلىعى وتە تومەن ونىمدەر — سۋىق مەزگىلدە اعزا ءۇشىن ناعىز جاۋ. مۇنداي تاماقتىڭ اعزا ءۇشىن پاك (پايدالى اسەر كوەففيتسەنتى) وتە تومەن: ولاردى جەگەن كەزدە «بوس» كالوريا مەن مينيمۋم پايدالى زات (دارۋمەندەر، مينەرالدار، انتيوكسيدانتتار) الاسىز. وعان بارلىق فاست- فۋد جانە قايتا وڭدەلگەن ونىمدەر (قىتىرلاق كارتوپ، فري، شۇجىق) جاتادى. ولاردى قاراپايىم، ءبىراق قۇنارلى تاماقتارعا اۋىستىرعان ءجون. مىسالى: بۇقتىرىلىپ پىسكەن ەت پەن سۋعا پىسكەن كۇرىش جانە قوسىمشا كوكونىستى سالات.
سالقىن سورپالار
گاسپاچو، كوك سورپا (وكروشكا) ، قىزىلشا سورپاسى — اسقازانعا قىسىم تۇسىرەتىن تاماقتار. بۇل سورپالاردى جازدا عانا ءىشىپ، قىستا اعزانى قوسىمشا سالقىنداتاتىن تاماق جەمەگەن ءجون.
مەرزىمدىك ەمەس ونىمدەر
مەرزىمدىك كوكونىستەر مەن جەمىستەردى كوبىرەك جەگەن دۇرىس. سەبەبى ولاردىڭ قۇرامىندا دارۋمەندەر مەن پايدالى زاتتار مول بولادى. ءار ءونىمدى ءوز مەرزىمىندە جەگەن اعزاعا پايدالىراق بولادى. كۇزدە دۇكەن سورەلەرى مەرزىمدىك كوكونىستەر مەن جەمىس- جيدەكتەرگە تولى بولادى. مىسالى، اسقاباق، ساڭىراۋقۇلاق، قىرىققاباتتىڭ بارلىق ءتۇرىن جانە يتمۇرىن، مۇكجيدەككە ءمان بەرىڭىز.
قۇرامىندا قانتى كوپ ونىمدەر
ءبىر قاراعاندا قىستا ءوزىمىزدى ءدامدى دەسەرتپەن ەركەلەتۋگە بولاتىن سەكىلدى كورىنەدى، سەبەبى جىلدىڭ بۇل مەزگىلىندە قوسىمشا ەنەرگيانى قاجەت ەتەمىز. ءبىراق قانتتى كوپ مولشەردە قولدانۋ يممۋنيتەتتى السىرەتەتىنىن ەسكەرگەن ءجون. ايتپەسە سونىڭ اسەرىنەن ءجيى اۋىرۋىڭىز ابدەن مۇمكىن. كۇزدە جانە قىستا اعزاعا قاجەتتى قانت مولشەرىن الۋ ءۇشىن قانتى از دەسەرتتەرگە جانە ءتاتتى جەمىستەرگە ءمان بەرىڭىز.
الكوگولدى ونىمدەر
سۋىق مەزگىلدە راتسيوننان قۇرامىندا الكوگولى بار ونىمدەردى ازايتۋ كەرەك. جالپى الكوگولدىڭ اعزاعا زيان ەكەنىن بىلەمىز. سونداي- اق الكوگولدىڭ كالورياسى كوپ. ول مەتابوليزمدى باياۋلاتىپ، اشتىق سەزىمىن كۇشەيتەدى. سوندىقتان تاماقتى كوپ جەپ، ارتىق سالماق قوسۋىڭىز ابدەن مۇمكىن.
