قازاقستاندا مال شارۋاشىلىعىنداعى كورسەتكىشتەر ءوستى – ق ر ا ش م
دەپ حابارلايدى قازاقپارات ق ر اۋىل شارۋاشىلىعى مينيسترلىگىنىڭ باسپا ءسوز قىزمەتىنە سىلتەمە جاساپ.
باسپاءسوز قىزمەتىنىڭ مالىمەتتەرىنە قاراعاندا، 2021 -جىلدىڭ قاڭتار- قىركۇيەك ايلارىندا مال شارۋاشىلىعىنداعى ءوسىم 2020 -جىلعى قاڭتار- قىركۇيەكپەن سالىستىرعاندا رەسپۋبليكانىڭ 10 وڭىرىندە بايقالدى.
1 - قازانداعى جاعداي بويىنشا، وتكەن جىلدىڭ سايكەس كەزەڭىمەن سالىستىرعاندا شارۋاشىلىقتاردىڭ بارلىق ساناتتارىندا ءىرى قارا مال سانى % 4,7 - عا ۇلعايدى. اتالعان كەزەڭدە شارۋاشىلىقتارداعى سويىلعان مال مەن قۇستىڭ ەتى 844,0 مىڭ توننانى قۇرادى، بۇل وتكەن جىلدىڭ ءتيىستى كەزەڭىمەن سالىستىرعاندا % 7,5 - عا كوپ.
وسى رەتتە سيىر ەتى ءوندىرىسى % 4,9 - عا 361,3 مىڭ تونناعا دەيىن، قوي ەتى % 1,6 - عا 101,6 مىڭ تونناعا دەيىن، جىلقى ەتى % 6,2 - عا 97,6 مىڭ تونناعا دەيىن، قۇس ەتى % 21,3 - عا 208,5 مىڭ تونناعا دەيىن ۇلعايدى. شوشقا ەتى ءوندىرىسى بارلىق وڭىرلەردە % 3,6 - عا 56,8 مىڭ تونناعا دەيىن تومەندەدى.
ءسۇت بويىنشا يمپورت الماستىرۋدى تومەندەتۋ جانە ءسۇت وڭدەۋ كاسىپورىندارىن شيكىزاتپەن قامتاماسىز ەتۋ ماقساتىندا 2021 -جىلعى 20 - قازانداعى جاعداي بويىنشا 3 ونەركاسىپتىك ءسۇت- تاۋار فەرماسى (اقمولا، قوستاناي، س ق و) جانە 10 وتباسىلىق ءسۇت- تاۋار فەرماسى (اقمولا، الماتى، قوستاناي، پاۆلودار، س ق و، شىمكەنت قالاسى) پايدالانۋعا بەرىلدى. 2021 -جىلدىڭ 1 -قازانىنداعى جاعداي بويىنشا، رەسپۋبليكاعا اسىل تۇقىمدى 15498 باس ءىرى قارا اكەلىندى، ونىڭ ىشىندە ءسۇتتى تۇقىمدار - 1735 باس، ءسۇتتى- ەتتى - 3611 باس، ەتتى تۇقىمدار - 10152 باس. اي سايىنعى مونيتورينگ نەگىزىندە 2021 -جىلعى 1- قازانداعى جاعداي بويىنشا ەلىمىزدە ءوندىرىس قۋاتى ورتا ەسەپپەن 50-دەن 10,0 مىڭ مال ورنىنا دەيىن جانە جيىنتىق قۋاتى 389,2 مىڭ مال ورنىنا دەيىن سارالاناتىن.
ەلدەگى جاعداي بويىنشا جۇرگىزىلەتىن اي سايىنعى مونيتورينگ نەگىزىندە ايتار بولساق، بارلىعى 507 بىرلىك بورداقىلاۋ الاڭى جۇمىس ىستەيدى، ولاردىڭ وندىرىستىك قۋاتى ورتا ەسەپپەن 50-دەن 10,0 مىڭنان استام مال ورنىنا دەيىن جانە جيىنتىق قۋاتى 389,2 مىڭ مال ورنىنا دەيىن سارالانادى.
وندىرىستىك قۋات بويىنشا ۇزدىك ءۇش ءوڭىر بار: ب ق و - 58,2 مىڭ مال ورنى، تۇركىستان وبلىسى - 46,4 مىڭ مال ورنى جانە الماتى وبلىسى - 40,0 مىڭ مال ورنى، ولاردىڭ ۇلەس سالماعى جيىنتىعىندا % 37 (144,6 مىڭ مال ورنى) قۇرايدى. بۇگىنگى كۇنى بورداقىلاۋ الاڭدارىنىڭ ناقتى جۇكتەمەسى % 35- دى قۇرايدى. اعىمداعى جىلدىڭ باسىنان باستاپ بورداقىلاۋعا 134,0 مىڭ باس بۇقا ءتۇستى.
