قولىنا ءسابي ۇستاعان ايەلدىڭ قىمبات ىشىمدىك ۇرلاعانى ۆيدەوعا ءتۇسىپ قالدى
بۇل تۋرالى نۇر-سۇلتان قالاسى پوليتسيا دەپارتامەنتىنىڭ باسپا ءسوز قىزمەتىنەن ءمالىم ەتتى، دەپ حابارلايدى قازاقپارات ءتىلشىسى.
«سۋپەرماركەتتىڭ ساۋدا زالىنداعى بەينەباقىلاۋ كامەرالارىنا قىمبات الكوگولدى ۇرلاۋ فاكتىسى تىركەلدى. كادردا جاس بالاسى بار ايەلدىڭ سورەدەگى ۆيسكي قوراپتارىن اشقانىن كورۋگە بولادى. شولمەكتى كاسسادان كەدەرگىسىز الىپ ءوتۋ ءۇشىن ول قورعانىس ترەكەرىن تىسپەن الىپ تاستاماق بولعان. «چيۆاس» ماركالى ۆيسكي ماگنيتتەن اجىراتىلعان سوڭ كۇدىكتى كۇرتەشەگە جاسىرعان شولمەكتى بالاسىمەن كولەگەيلەپ، كاسسادان شىعىپ كەتكەن»، - دەپ جازادى دەپارتامەنتتىڭ باسپا ءسوز قىزمەتى.
جەدەل- ىزدەستىرۋ كەزىندە پوليتسيا قىزمەتكەرلەرى بۇرىن بىرنەشە رەت سوتتالعان 24 جاستاعى استانالىق ايەلدى ۇستادى.
«ايەل پوليتسيانىڭ نازارىنا 2016 -جىلى ىلىگىپ، بىرنەشە رەت ۇرلىق پەن الاياقتىق باپتارى بويىنشا سوتتالعان. قازىر اتالعان فاكتى بويىنشا سوتقا دەيىنگى تەرگەۋ امالدارى جۇرگىزىلۋدە. كۇدىكتى ءوز كىناسىن مويىندادى. ەندى ونىڭ ەلوردا اۋماعىندا تىركەلگەن وسىعان ۇقساس قىلمىستارعا قاتىستىلىعى تەكسەرىلۋدە. نۇر-سۇلتان قالاسىنىڭ پوليتسيا دەپارتامەنتى ساۋدا ورىندارىنىڭ يەلەرىنە قىراعى بولۋعا كەڭەس بەرەدى. تاۋارلاردىڭ قاۋىپسىزدىگىن قامتاماسىز ەتۋ ءۇشىن ەلەكتروندى قورعانىس جۇيەلەرىنەن باسقا، بەينەباقىلاۋ جۇيەلەرىن ورناتۋ قاجەت» - دەپ جازادى ۆەدومستۆودان.
اۆتور: ەسىمجان ناقتىباي
