الماتى اۋەجايى ارىققا قۇلاعان قىزمەتكەرىنە قاتىستى تۇسىنىك بەردى
الەۋمەتتىك جەلىدە تاراعان اقپاراتتا قالدىق توگۋگە بارعان اۋە ايلاعىنىڭ قىزمەتكەرى لاس سۋ تولى قۇدىققا قۇلاپ، اۋرۋحاناعا تۇسكەنى تۋرالى ايتىلعان بولاتىن.
«شىن مانىندە الماتى حالىقارالىق اۋەجايىنىڭ قىزمەتكەرى ءوزىنىڭ الاڭسىزدىعى سالدارىنان تەرەڭدىگى 70 س م بولاتىن ارىققا قۇلاعان. قىزمەتكەر ارىقتان ءوزى شىققان. اۋىر جاراقات العان جوق جانە دەنەسىندەگى جۇمساق تىندەرى عانا كورگەرگەن. اۋەجايدىڭ مەديتسينالىق قىزمەتى العاشقى كومەك كورسەتۋ ءۇشىن قاجەتتى شارالاردىڭ ءبارىن قابىلدادى. قىزمەتكەردىڭ دەنساۋلىعى ۇنەمى باقىلاۋىمىزدا، جۇمىس بەرۋشىگە ەشقانداي شاعىمى جوق»، - دەپ حابارلادى حالىقارالىق اۋەجايدىڭ باسپا ءسوز قىزمەتىنەن.
