الماتىدا پىشاق ۇستاعان ءۇش ادام كولىكتەردىڭ توبەسىنە شىعىپ الىپ سەكىرگەن
الماتى قالالىق پوليتسيا دەپارتامەنتىنىڭ مالىمەتىنشە، وقيعا «اقبۇلاق» شاعىن اۋدانىندا بولدى.
ءۇش جاس جىگىت كولىكتىڭ توبەسىنە شىعىپ الىپ سەكىرگەن. ولارعا ەسكەرتۋ جاساعاندارعا پىشاق كورسەتكەن. ونىڭ ارتى توبەلەسكە ۇلاستى.
«بۇزاقىلاردىڭ ءبىرىن پوليتسەيلەر ءىزىن سۋىتپاي ۇستادى. 19 جاستاعى كۇدىكتى ماس بولدى. سونىمەن قاتار، ول بۇرىن اۋىر قىلمىس جاساعانى ءۇشىن سوتتالعان. ءتارتىپ ساقىشىلارى وقيعا ورنىن قاراۋ بارىسىندا ءۇش پىشاق تاپتى. زاتتاي دالەلدەر ءىس ماتەريالىنا تىركەلدى»، - دەپ حابارلادى پوليتسيا دەپارتامەنتىنىڭ باسپا ءسوز قىزمەتى.
وقيعانىڭ تولىق ءمان-جايى تەرگەۋ بارىسىندا انىقتالادى.
