الەم چەمپيوناتىندا قازاق بوكسشىعا قاتىستى جانجال شىقتى

48 كەلىگە دەيىنگى سالماق دارەجەسىندە 1/8 فينالدا تەمىرتاس ءجۇسىپوۆتىڭ سەربيالىق ومەر امەتوۆيچكە قارسى جەكپە-جەگى نارازىلىق تۋدىرعان. جەكپە-جەكتە تورەشىلەر شەشىمىمەن قازاقستاندىق جەڭىسكە جەتتى.

سەربيانىڭ بوكس وداعى بۇل شەشىمدى «ۇيات» دەپ اتاپ، تورەشىلەردى جەڭىستى ۇرلادى دەپ ايىپتادى.

«تورەشىلەر شەشىمى ءبىزدىڭ بوكسشىمىزعا قارسى بولدى»، - دەدى وداق پرەزيدەنتى سلوبودان دجۋريچ.

«سەرب بوكسشىلارىنىڭ ءبىرىنشى، ءۇشىنشى جانە ءتورتىنشى جەكپە-جەكتەرىندە وسىنداي بولدى، تورەشىلەر ءبارىنىڭ كوز الدىندا قارسىلاستارىنا العاشقى راۋندتى بەردى، دەگەنمەن بۇل راۋندتار بوكسشىلارىمىزدىڭ تازا جەڭىسى ەدى»، - دەدى ول.

فۋنكتسيونەر جەكپە-جەكتىڭ ناتيجەلەرىنە شاعىمدانعانىن ايتتى.

ءجۇسىپوۆ بوكستان الەم چەمپيوناتىنىڭ شيرەك فينالىنا شىققان. كەلەسى جەكپە-جەكتە جەڭىسكە جەتسە، قازاقستاندىق الەم چەمپيوناتى جۇلدەسىنە ىلىگەدى.

ەسكە سالايىق، بۇعان دەيىن دە وزگە قازاق بوكسشى وليمپيادا چەمپيونىن جەڭىپ، وزبەكستان تاراپى داۋلى مالىمدەمە جاساعان بولاتىن.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى