ءبىر وتباسىن تۇگەل پىشاقتاپ كەتكەن كۇدىكتىنىڭ قاماۋدا ۇستاۋ مەرزىمى سوزىلدى
سوت كۇدىكتىنى قاماۋدا ءۇستاۋ تۋرالى سانكسيا مەرزىمىن ۇزارتتى، دەپ حابارلايدى قازاقپارات ءتىلشىسى.
ەسكە سالا كەتەيىك، 13- تامىز كۇنى ساعات 15:40 شاماسىندا قاراعاندى وبلىسى، شەت اۋدانى اعادىر كەنتىندەگى جەكە ۇيلەردىڭ بىرىنەن دەنەلەرىندە پىشاق جاراقاتتارى بار 58 جاستاعى ءۇي يەسىمەن ونىڭ 59 جاستاعى جولداسى جانە 21 جاستاعى قىزىنىڭ ءمايىتى تابىلعان بولاتىن.
«جەدەل ىزدەستىرۋ ءىس-شارالارى بارىسىندا پوليتسيا قىزمەتكەرلەرى وسى ىسكە قاتىسى بار دەگەن كۇدىكپەن 33 جاستاعى ادامدى «ءىزىن سۋىتپاي» ۇستادى.
ول اراداعى سوزگە كەلىسپەۋشىلىك بارىسىندا جابىرلەنۋشىلەرگە پىشاق جاراقاتىن سالعانىن مويىندادى.
كۇدىكتى ۋاقىتشا ۇستاۋ يزولياتورىنا قامالعان بولاتىن. اتالعان فاكتى بويىنشا قازاقستان رەسپۋبليكاسى قىلمىستىق كودەكسىنىڭ 99-بابى بويىنشا قىلمىستىق ءىس قوزعالدى.
تەرگەۋ امالدارى اياقتالماۋىنا بايلانىستى سوت كۇدىكتىنى قاماۋدا ۇستاۋ مەرزىمىن سوزدى. «كۇدىكتىگە قاتىستى قولدانىلعان «كۇزەتپەن ۇستاۋ» بۇلتارتپاۋ شاراسى 3 ايعا سوزىلدى»، - دەپ مالىمدەدى قاراعاندى وبلىستىق سوتىندا.
