ەلوردالىق ءبىلىم باسقارماسىنىڭ باسشىسى زاڭ بۇزعان ادامدى جۇمىسقا قابىلداعان
بۇل تۋرالى قازاقپارات ق ر سىبايلاس جەمقورلىقار قارسى ءىس-قيمىل اگەنتتىگىنىڭ باسپا ءسوز قىزمەتىنە سىلتەمە جاساپ حابارلايدى.
باسپا ءسوز قىزمەتىنىڭ دەرەكتەرىنە قاراعاندا، اكىمشىلىك ءىس جۇرگىزۋ ماتەريالدارىن قاراۋ بارىسىندا ش. سەيسەنبايدىڭ نۇر-سۇلتان قالاسى اكىمدىگىنىڭ ەلوردالىق ءبىلىم باسقارماسىنىڭ باسشىسى لاۋازىمىن اتقارا وتىرىپ، بالاباقشا مەڭگەرۋشىسى لاۋازىمىنا بۇرىن ق ر ق ك 176-ب. 3 ب. «ب»، «گ» ت. جانە ق ر ق ك 317-ب. 1-ب. (1997-جىلعى رەداكسياسىندا) سوتتالعان قىزمەتكەردى قابىلدادى.
ق ر ەڭبەك كودەكسىندە كوزدەلگەن نورمالارعا سايكەس، بۇرىن سىبايلاس جەمقورلىق قىلمىس جاساعان ادامداردى كۆازيمەملەكەتتىك سەكتور سۋبەكتىلەرىنە باسشىلىق لاۋازىمعا ورنالاستىرۋعا جول بەرىلمەيدى. سونىمەن قاتار، 2020-جىلعى قازاندا ەڭبەك زاڭناماسىنا ەنگىزىلگەن تۇزەتۋلەرگە سايكەس بۇل شەكتەۋ كۆازيمەملەكەتتىك سەكتورداعى قاتارداعى لاۋازىمدارعا قولدانىلادى.
«بيىلعى جىلدىڭ باسىنان بەرى ق ر سىبايلاس جەمقورلىققا قارسى ءىس-قيمىل اگەنتتىگىنىڭ استانالىق دەپارتامەنتى تاراپىنان 8 تۇلعا اكىمشىلىك جاۋاپقا تارتىلدى، ولاردىڭ 5 ءى مەملەكەتتىك قىزمەتشىلەر جانە مەملەكەتتىك فۋنكسيالاردى جۇزەگە اسىرۋعا تەڭەستىرىلگەن تۇلعالار بولىپ تابىلادى. ءوندىرىپ الىنعان ايىپپۇلدار سوماسى 2,1 ميلليون تەڭگەنى قۇرادى»، - دەلىنگەن حابارلامادا.
