قازاقستاندا بىرنەشە ءوڭىر اكىمدىگىنىڭ لاۋازىم يەلەرىنەن قۇرىلعان قىلمىستىق توپ اشكەرەلەندى

«سىبايلاس جەمقورلىققا قارسى ءىس- قيمىل اگەنتتىگىنىڭ ارنايى اۋقىمدى وپەراتسياسى ناتيجەسىندە ق ر اۋىل شارۋاشىلىعى مينيسترلىگىنە باعىنىستى بولىمشەلەر مەن ۇيىمداردىڭ جانە نۇر- سۇلتان، شىمكەنت قالالارىنىڭ جانە اقمولا، تۇركىستان، جامبىل وبلىستارى، ش ق و، ب ق و، اتىراۋ، اقتوبە وبلىستارىنىڭ اكىمدىكتەرىنىڭ لاۋازىمدى تۇلعالارىنان تۇراتىن قىلمىستىق توپتار اشكەرەلەندى.

ولار سۋبسيديالاۋعا بولىنگەن قاراجاتتى جىمقىرۋمەن اينالىسقان، كاسىپكەرلەردەن جۇيەلى تۇردە پارا مەن زاڭسىز سىياقى الۋدىڭ جەمقورلىق سحەماسىن ۇيىمداستىرعان. قازىرگى ۋاقىتتا تەرگەۋ امالدارى جۇرگىزىلىپ جاتىر. زاتتاي دالدەلدەر الىندى. قىلمىسقا قاتىسى بار 30-دان استام ادام انىقتالدى، ولاردىڭ كوپشىلىگى قازىر كىناسىن تولىق مويىنداپ، تەرگەۋ توبىمەن ىنتىماقتاستىق ورناتۋدا. وزگە اقپارات تەرگەۋ مۇددەسىنە بايلانىستى جاريا ەتىلمەيدى»، - دەدى ق ر سىبايلاس جەمقورلىققا قارسى ءىس- قيمىل اگەنتتىگى ءتوراعاسىنىڭ كومەكشىسى شىڭعىس الەكەشيەۆ.

بۇعان دەيىن حابارلانعانداي، سىبايلاس جەمقورلىققا قارسى ءىس- قيمىل اگەنتتىگى سۋبسيديالاۋ سالاسىندا كەشەندى تالداۋ جۇمىستارىن باستادى. اتالعان قۇقىقبۇزۋشىلىق تا سول امالدار اياسىندا انىقتالىپ وتىر.

اۆتور: ايجان سەرىكجان قىزى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى