قانشا اۋىل زاماناۋي بايلانىس تەحنولوگيالارمەن قامتىلماعان

بۇل تۋرالى Digital Bridge حالىقارالىق تەحنولوگيالىق فورۋمىندا ق ر سيفرلىق دامۋ، يننوۆاتسيالار جانە اەروعارىش ونەركاسىبى ۆيتسە- ءمينيسترى مالىك ولجابەكوۆ ايتتى، دەپ حابارلايدى قازاقپارات ءتىلشىسى.

«قازاقستاندا 600 دەن استام اۋىل زاماناۋي تەلەكوممۋنيكاتسيالىق تەحنولوگيالارمەن قامتىلماعان. سوندىقتان سپۋتنيكتىك بايلانىس شەشىمدەرى وسى اۋىلداردىڭ اۋماعىن قامتۋعا مۇمكىندىك بەرەدى. بۇل تۇرعىدا تۇرعىندار سانى از ەلدى مەكەندەردى ايتىپ تۇرمىز. دەگەنمەن، وسى اۋىلدارعا زاماناۋي بايلانىس جۇيەسىن تارتۋ وتە ماڭىزدى ماسەلەلەردىڭ ءبىرى»، - دەدى مالىك ولجابەكوۆ بۇرىن حابارلانعانداي، ەلوردادا ءۇشىنشى رەت Digital Bridge حالىقارالىق تەحنولوگيالىق فورۋمى 28-29 -قازان ارالىعىندا ءوتىپ جاتىر.

بيىلعى فورۋمنىڭ تاقىرىبى - Digital Era Lifestyle. ق ر تسيفرلىق دامۋ، يننوۆاتسيالار جانە اەروعارىش ونەركاسىبى ءمينيسترى باعدات مۋسين «سيفرلاندىرۋ، يننوۆاتسيا جانە عىلىم ارقىلى تەحنولوگيالىق سەرپىلىس» ۇلتتىق جوباسىن ۇسىندى. فورۋمنىڭ ىسكەرلىك باعدارلاماسى 20 پانەلدىك سەسسيادان تۇرادى، وندا 70 - تەن استام سپيكەر - حالىقارالىق جانە قازاقستاندىق IT - قاۋىمداستىقتاردىڭ وكىلدەرى ءسوز سويلەيدى.

ەلىمىزدە ءۇشىنشى رەت ءوتىپ جاتقان Digital Bridge الاڭىندا ادەتتەگىدەي Astana Hub Battle جارىسىندا تەحنولوگيالىق ستارتاپتار باق سىناسىپ، ەڭ مىقتى IT - كومپانيالار Astana Hub Awards پرەمياسى اياسىندا ماراپاتتالادى.

بيىل پاندەميا تالاپتارىنا وراي ءىس- شارالار گيبريد فورماتتا وتەدى - ءبىرقاتار رەسمي شارالار وففلاين وتسە، فورۋمنىڭ نەگىزگى بولىگى ونلاين نۇسقادا كورسەتىلىپ، كەز- كەلگەن ادام قاتىسا الادى.

اۆتور: رۋسلان عابباسوۆ

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى