ۆاكسينا الماعان بالالاردى تارتىپ الۋعا مۇمكىندىك بەرەتىن زاڭ قابىلدانادى دەگەن راس پا
بۇل - فەيك، دەپ حابارلايدى Stopfake.kz.
ق ر ءبىلىم جانە عىلىم مينيسترلىگى بۇل مالىمەتتى جوققا شىعاردى. - اقپارات شىندىققا جاناسپايدى. مۇنداي زاڭ جوباسى جوق. مەكتەپتەردە بالالاردى ماجبۇرلەپ ۆاكسيناتسيالاۋ جۇرگىزىلمەيدى. مەكتەپ بالالارعا ءبىلىم بەرەدى، الەۋمەتتەنۋگە كومەكتەسەدى. اتا- انالاردىڭ كەلىسىمىنسىز ۆاكسيناتسيالاۋ تۋرالى ماسەلە كوتەرىلىپ وتىرعان جوق. قازاقستاندىقتاردان الەۋمەتتىك جەلىلەردە رەزونانس تۋدىرۋ ءۇشىن جەكە ازاماتتار تاراتاتىن جالعان اقپاراتقا سەنبەۋلەرىن سۇرايمىز، - دەپ حابارلادى ق ر ءبىلىم جانە عىلىم مينيسترلىگىنىڭ باسپا ءسوز حاتشىسى ءمولدىر ابدۋاليەۆا.
الەۋمەتتىك جەلى قولدانۋشىلارى بۇعان دەيىن دە وسىعان ۇقساس فەيكتەردى تاراتقان بولاتىن. ولار بالالاردى مەكتەپكە كەشىگىپ، جالعىز جۇرگەنى ءۇشىن تارتىپ الادى، ال اتا-انالاردى بالالارىن ۆاكسيناتسيالاۋدان باس تارتقانى ءۇشىن پسيحياتريالىق كلينيكالارعا جاتقىزادى دەپ جازدى.
سونداي-اق وسى بيىل قىركۇيەك ايىندا قازاقستاندا بالالاردى ءولتىرۋ ستاندارتىن ەنگىزۋ جوسپارلانعانى تۋرالى فەيك كەڭىنەن تارادى. بارشاڭىزدى وسىنداي ارانداتۋشىلىققا بوي الدىرماۋعا جانە رەسمي اقپارات كوزدەرىنە عانا سەنۋگە شاقىرامىز.
