ۇلكەن الماتى وزەنىن ۆەيكبوردپەن ءجۇزىپ وتكەن ادام كىم - ۆيدەو

الەۋمەتتىك جەلىدە ۇلكەن الماتى وزەنىندە ۆەيكبوردپەن ءجۇزىپ وتكەن ادامنىڭ ۆيدەوسى پايدا بولدى. وزەندى ۆەيكبوردپەن ءجۇزىپ وتكەن جىگىتتىڭ ەسىمى - الماز سمايىلقۇلوۆ. ول 31 جاستا. بىشكەكتە تۋعان. رەسەيدە ءبىراز جىل تۇردى. وسىدان ءۇش جىل بۇرىن الماتىعا قونىس اۋدارعان. «مەن كاسىبي سپورتشىمىن. قازىر قازاقستاندا ۆەيكبوردينگتى دامىتۋعا اتسالىسىپ ءجۇرمىن. الماتىدا GAGARIN Wake Park-تا بالالار مەكتەبى بار. سول جەردە بالالاردى جاتتىقتىرامىن. يدەيانىڭ ماقساتى - وسى سپورت ءتۇرىن تانىمال ەتۋ»، - دەيدى سپورتشى.

سونىمەن قاتار، ول ۇلكەن الماتى وزەنىنىڭ بويىمەن قالاي ءجۇزىپ وتكەنىن ايتىپ بەردى. «روليكتى ءتۇسىرۋ ءۇشىن الدىمەن قالا اكىمدىگىنەن رەسمي تۇردە رۇقسات سۇرادىق. ادام ومىردە ءوز قورقىنىشىن جەڭە ءبىلۋى كەرەك. ءبىراق ۆەيكبورد - قاۋىپسىز سپورت. تريۋكتەردى اۋەسقويلار قايتالاماعانى دۇرىس»، - دەيدى ول.

اۆتور: الما مۇقانوۆا

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى