قانات يسلام شارشى الاڭعا قايتا ورالادى

«قۇرمەتتى مەنىڭ جانكۇيەرلەرىم! ءبىز جەكپە-جەك جاتتىعۋلارىنا قىزۋ دايىندىقتامىز. ينشاللا، جاقىندا جاقسى جاڭالىقتارمەن بولىسەمىز. سىزدەرگە تۇرىك ەلىنەن جالىندى سالەم!»، - دەپ جازدى قانات يسلام Instagram پاراقشاسىندا.

ەستەرىڭىزگە سالا كەتسەك، قانات يسلام (28-0، 22 ك و) وسى جىلدىڭ 20-اقپانىندا ا ق ش-تىڭ فلوريدا شتاتىنىڭ مايامي قالاسىندا وتكەن ايقاستا ەكۆادورلىق دجەيسون ميندۋنى (14-4-1، 8 ك و) جەتىنشى راۋندتا نوكاۋتقا تۇسىرگەن بولاتىن. سول كەزدە قازاقستاندىق بوكسشىنىڭ پروموۋتەرى نەلسون لوپەس The Ring-كە بەرگەن سۇحباتىندا قانات يسلامنىڭ كەلەسى ەكى جەكپە-جەگى وسى جىلدىڭ ماۋسىم مەن قىركۇيەك ايلارىنا جوسپارلانعان ايتقان ەدى.

ال ناۋرىز ايىندا كاسىپقوي بوكس الەمىنىڭ ينسايدتارى مەن جاڭالىقتارىن جاريالاپ جۇرگەن Boxing Media UK تۆيتتەر- اككاۋنتىندا WBC نۇسقاسى بويىنشا ديۆيزيونداعى الەم چەمپيونى، امەريكاندىق بوكسشى دجەرمالل چارلونىڭ (31-0، 22 ك و) الەۋەتتى قارسىلاسى رەتىندە قانات يسلامنىڭ دا قاراستىرىلىپ جاتقانى جازىلدى.

اۆتور: مارلان جيەمباي

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى