بەيجىڭ مارافونىنا قاتىساتىن جەلاياقتارعا ماڭىزدى تالاپ قويىلدى

بۇل تۋرالى سپورت شاراسىن ۇيىمداستىرۋ كوميتەتىنىڭ حابارلاماسىندا ايتىلعان، دەپ حابارلايدى قازاقپارات مەنشىكتى ءتىلشىسى.

40-حالىقارالىق بەيجىڭ مارافونى 2020 -جىلى ءوتۋى ءتيىس بولعان، الايدا كوروناۆيرۋس پاندەمياسىنا بايلانىستى وتكىزىلمەگەن ەدى. بيىلعى جىلدىڭ 1-قازانىنان باستاپ قىتايداعى وسى بەدەلدى سپورت جارىسىنا قاتىسۋشىلاردى تىركەۋ رەسمي تۇردە اشىلدى. تىركەۋ 4-قازانعا دەيىن جالعاسادى. ۇيىمداستىرۋ كوميتەتىنىڭ حابارلاماسىندا ايتىلعانداي، سونداي-اق مارافون قاتىسۋشىلارى كوروناۆيرۋسقا قارسى ۆاكسينالانۋى كەرەك، ولار جۇگىرۋدەن 21 كۇن بۇرىن كۇن سايىن دەنساۋلىعىنىڭ جاي-كۇيى تۋرالى حابار بەرىپ، بەيجىڭنەن شىقپاۋى كەرەك.

سونىمەن قاتار، مارافون باستالاردان 72 ساعات بۇرىن جۇگىرۋشىلەردىڭ ك ۆ ي تەستىسى تەرىس ناتيجە كورسەتۋى كەرەك. ۇزىندىعى 42,195 ك م بولاتىن مارافون قاشىقتىعى بەيجىڭنىڭ ورتالىعىنداعى تيانانمىن الاڭىنان باستالىپ، ق ح ر استاناسىنىڭ سولتۇستىگىندەگى وليمپيادالىق سپورت كەشەنىندە اياقتالادى.

بەيجىڭ مارافونى 1981 -جىلدان باستاپ جىل سايىن وتكىزىلىپ كەلەدى. جارىس تراسساسى جەڭىل اتلەتيكا فەدەراتسيالارىنىڭ حالىقارالىق قاۋىمداستىعىنىڭ ولشەمدەرىنە سايكەس كەلەدى جانە وندا الەمدىك رەكوردتار ورناتا الادى.

رۋسلان سۇلەيمەنوۆ

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى