الداعى ءۇش كۇندە قازاقستاندا كۇن سۋىتادى

كەزەڭ باسىندا قازاقستان اۋماعىنىڭ كوپتەگەن بولىگى سيكلون ىقپالىندا بولادى. رەسپۋبليكانىڭ باتىس اۋماعى ماسكەۋ اۋداندارىنان جىلجىعان سولتۇستىك- باتىس انتيسيكلونىنىڭ ىقپالىندا تۇر.

ەلىمىزدىڭ سولتۇستىك، سولتۇستىك- باتىس، شىعىس، ورتالىعىندا جانە وڭتۇستىك- شىعىس اۋدانداردا جاڭبىر جانە قار جاۋادى، ودان كەيىن كوكتايعاق بولۋى مۇمكىن. تۇندە جانە تاڭەرتەڭ تۇمان ءتۇسۋى ىقتيمال.

«1-قازاننان باستاپ سولتۇستىك- باتىس انتيسيكلونىنىڭ باتىستان شىعىسقا جىلجۋىمەن جاۋىن- شاشىننىڭ توقتالىپ، اۋا تەمپەراتۋراسىنىڭ ودان ءارى تومەندەۋى بولجانىپ وتىر: سولتۇستىك، شىعىس جانە ورتالىقتا 1-6 گرادۋس سۋىق، كۇندىز 2-7 گرادۋس جىلى بولادى. رەسپۋبليكانىڭ سولتۇستىك- باتىسىندا تۇندە تەرمومەتر باعاناسى 6 گرادۋس ايازدى كورسەتەدى، كۇندىز 3-13 گرادۋس جىلى بولادى. ال وڭتۇستىك ايماقتا تۇندە 2 گرادۋسقا دەيىن سۋىق بولىپ، كۇندىز اۋانىڭ تەمپەراتۋراسى 8-13 گرادۋس جىلى بولادى. ەلىمىزدىڭ باتىسىندا عانا تۇندە 3 گرادۋس سۋىق - 5 گرادۋس جىلى بولىپ، كۇندىزگى تەمپەراتۋرا 10-15 گرادۋستان 13-18 گرادۋسقا دەيىن كوتەرىلەدى»، - دەلىنگەن سينوپتيكتەردىڭ حابارلاماسىندا.

اۆتور: ءبيبىحان سەرىكوۆا

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى