الماتىدا جەڭىل كولىك اعاشقا سوعىلىپ، ءبىر ادام قازا تاپتى

الماتى قالالىق پوليتسيا دەپارتامەنتىنىڭ مالىمەتىنشە، جول اپاتى 21-قىركۇيەك كۇنى كەشكى ساعات 16:35-تە كوپەرنيك كوشەسىندە بولدى.

«كوپەرنيك كوشەسىمەن وڭتۇستىك باعىتتا كەلە جاتقان Hyundai Accent اۆتوكولىگىنىڭ جۇرگىزۋشىسى جولدىڭ كۇرت بۇرىلىسىندا رۋلگە يە بولا الماي، اعاشقا سوعىلدى. كولىك ىشىندەگى جولاۋشى كوز جۇمدى. 40 جاستاعى جۇرگىزۋشى اۋرۋحاناعا جەتكىزىلدى»، - دەدى الماتى قالاسى دپ تەرگەۋ ءبولىمىنىڭ باستىعى ولجاس ءشارىپوۆ.

بۇل فاكت ق ر قىلمىستىق كودەكسىنىڭ 345-بابى 3-بولىگى بويىنشا سوتقا دەيىنگى تەرگەۋدىڭ ءبىرىڭعاي تىزىلىمىنە تىركەلدى. ءتيىستى ساراپتامالار تاعايىندالدى.

اۆتور: الما مۇقانوۆا

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى