ەلوردا مەشىتتەرىندە جۇما ناماز وقۋعا رۇقسات بەرىلدى

قاۋلىدا مەشىت، شىركەۋ، سوبور، سيناگوگا سياقتى ءدىني بىرلەستىك وبەكتىلەرىنىڭ شتاتتىق رەجيمدە جۇمىس ىستەۋىنە رۇقسات بەرىلەتىنى ايتىلعان.

ول ءۇشىن ناقتى جۇمىس كەستەسى مەن كۇشەيتىلگەن سانيتارلىق-پروفيلاكتيكالىق ءىس-شارالار ساقتالۋى كەرەك.

مەشىتتەردە ساقتىق شارالارىن قاتاڭ ساقتاۋ ارقىلى «جۇما نامازىن» وتكىزۋگە رۇقسات بەرىلىپ وتىر.

ال ءدىني عيمارات جانىنداعى Ashyq جوباسىنا قاتىساتىن تاماقتانۋ ورىندارىندا ەسكە الۋ شارالارىن وتكىزۋ ءۇشىن كەلۋشىلەر سانى 30 ادامنان اسپاۋى كەرەك.

«مەشىتتەر، پراۆوسلاۆ شىركەۋلەرى جانە باسقا دا ءدىني وبەكتىلەر اۋماعىندا اشىق اۋادا بەتپەردە رەجيمى مەن ءبىر ادامعا كەمىندە 4 مەتر ەسەبىمەن الەۋمەتتىك قاشىقتىقتى ساقتالماسا، «جۇما ناماز»، كۇندەلىكتى پراۆوسلاۆيەلىك دۇعا سياقتى ۇجىمدىق ءدىني شارالار وتكىزۋگە تىيىم سالىنادى. ءدىني بىرلەستىكتەر وبەكتىلەرىنىڭ جانىندا ورنالاسقان Ashyq جوباسىنا قاتىساتىن قوعامدىق تاماقتانۋ وبەكتىلەرىندە 30 دان اسپايتىن اداممەن ەسكە الۋدى وتكىزۋگە رۇقسات ەتىلسىن»، - دەپ جازىلعان قۇجاتتا.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى