ەلوردا مەكتەپتەرىن كارانتينگە جابۋ ءتارتىبى قانداي
«سىنىپتا (توپتا) COVID-19 اۋرۋىنىڭ 1 جاعدايى تىركەلگەن كەزدە، سىنىپ (توپ) 14 كۇن ىشىندە ءۇي كارانتينىنە وقشاۋلاۋعا جاتادى. ورتا ءبىلىم بەرۋ ۇيىمىندا ءبىر اۋىسىمنىڭ 30 پايىزدان استام سىنىپتارىندا COVID-19 اۋرۋىنىڭ جاعدايلارى 1 ينكۋباتسيالىق كەزەڭدە تىركەلگەن كەزدە، سول اۋىسىم ءۇي كارانتينىنە 14 كۇنگە وقشاۋلانادى»، - دەدى جاننا پراليەۆا ونلاين بريفينگىدە. ونىڭ ايتۋىنشا، ءدال وسىنداي ءتارتىپ كوللەدج جانە جوعارى وقۋ ورىندارىنا قاتىستى «ق ر باس مەملەكەتتىك سانيتارلىق دارىگەرىنىڭ قاۋلىسىنا سايكەس، بارلىق ءبىلىم الۋشىلاردى قاشىقتان وقىتۋ فورماتىنا اۋىستىرا وتىرىپ، مەكتەپ، كوللەدج جانە جوعارى وقۋ ورىندارىنا كارانتين ەنگىزۋ ماسەلەسى ق ر سانيتاريالىق- ەپيدەميولوگيالىق باقىلاۋ كوميتەتى تاراپىنان شەشىلەدى»، - دەپ ناقتىلادى ج. پراليەۆا.
