گەنەرال-مايور سەرىك بورامبايەۆ: سىرتتان تونەتىن قاۋىپ-قاتەرلەرگە ءارقاشان ءازىر بولۋىمىز كەرەك
سونداي-اق قارۋلى كۇشتەردىڭ سىرتتان تونەتىن قاۋىپ- قاتەرلەرگە ءارقاشان ءازىر بولۋى كەرەكتىگىن اتاپ كورسەتتى، دەيدى ق ر قارۋلى كۇشتەرى باس شتاب باستىعىنىڭ ورىنباسارى - تاربيە جانە يدەولوگيالىق جۇمىستار دەپارتامەنتىنىڭ باستىعى گەنەرال-مايور سەرىك بورامبايەۆ.
باس شتاب باستىعى ورىنباسارىنىڭ ايتۋىنشا، مەملەكەتتىك اپپاراتتا وسىعان قاتىستى ءىس- قيمىلدىڭ پىسىقتالعان جوسپارى بولۋى شارت. بۇنداي جاعدايدا قارۋلى كۇشتەر ءاردايىم سوڭعى قولدانۋ قۇرالى بولىپ تابىلادى.
«سوندىقتان سىرتتان تونەتىن قاۋىپتى مودەلدەۋ كەزىندە ءبىز وقيعالاردى دامىتۋدىڭ بارىنشا جاعىمسىز نۇسقالارىنىڭ سەناريلەرىن پىسىقتايمىز»، - دەيدى ول.
«اسكەري قاۋىپسىزدىكتى قامتاماسىز ەتۋ ماسەلەلەرىندە جاڭا وڭىرلىك جانە جاھاندىق سىن- تەگەۋرىندەر مەن قاۋىپ- قاتەرلەردىڭ ورىن الۋىن ەسكەرىپ، ۆەدومستۆوارالىق ءتاسىلدى قولدانۋ وزەكتى بولىپ وتىر. قورعانىس مينيسترلىگى بارلىق مەملەكەتتىك ورگاندارمەن ءوزارا ءىس- ارەكەت جاساۋ ارقىلى، اسكەري قاتەرلەردىڭ ءورشۋى جانە سوعىس جاعدايى ەنگىزىلگەن كەزدە، مەملەكەت قىزمەتىن جوسپارلاۋدى جۇزەگە اسىرادى. قازىرگى ۋاقىتتا بىرلەسكەن اسكەري وقۋ- جاتتىعۋلاردى وتكىزۋ جوسپارلانىپ وتىر. جاعدايدىڭ كەنەتتەن وزگەرۋىنە قاتىستى ماسەلەلەر دە پىسىقتالادى. بۇل رەتتە اۋعانستانداعى جاعدايدىڭ شيەلەنىسۋىنە بايلانىستى قاۋىپ- قاتەرلەر دە نەگىزگە الىنادى. جاڭا اسكەري دوكترينادا بيۋدجەتتىڭ مۇمكىندىكتەرى مەن وتاندىق ەكونوميكانىڭ الەۋەتىنە ءتونۋى مۇمكىن قاتەرلەر ەسكەرىلەدى. وسىلارعا سۇيەنىپ، جالپى مەملەكەتتىك قورعانىس ساياساتىنىڭ ناقتى ساياسي باعدارلارى قالىپتاسادى».
